Футбол бўйича ЖЧ—2022 саралашининг Европа минтақасидаги бир қатор ўйинлари 14 ноябрь, якшанба куни ўтказилди.
Хорватия терма жамоаси ўз уйида Россияни қабул қилди. Ноқулай об-ҳаво шароитида ўтган баҳсда майдон эгалари катта устунликка эга бўлди. Бироқ ҳисоб ўйиннинг сўнгги дақиқаларига келиб очилди. Россияликлар ҳимоячиси Фёдор Кудряшов қанотдан узатиб берилган тўпни ўз дарвозасига жойлаб қўйди ва бу гол ўйин тақдирини ҳал қилди.
Шу тариқа ушбу ғалабадан кейин Хорватия очколарини 23 тага етказиб олган ҳолда H гуруҳини биринчи ўринда якунлади ва Қатарда ўтадиган мундиалга тўғридан-тўғри йўлланмани қўлга киритди. Россия эса 22 очко билан иккинчи поғонада қолди. Валерий Карпин жамоаси ўтиш ўйинларида иштирок этади.
ЖЧ—2022 саралаши
10-тур баҳслари
14 ноябрь, якшанба
Хорватия – Россия 1:0
Гол: 1:0 – 81, автогол Кудряшов.Хорватия – Грбич, Ловрен, Юранович (Брекало, 75), Гвардиол, Соса, Брозович, Модрич, Перишич, Пашалич (Ливая, 75), Влашич (Петкович, 58), Крамарич (Станишич, 86).
Россия – Сафонов, Кудряшов, Жикия, Дивеев, Караваев, Фомин (Глебов, 80), Баринов, Бакаев (Мостовой, 78), Головин (Чистяков, 57), Ионов (Зобнин, 57), Смолов (Заболотний, 57).
Огоҳлантиришлар: Головин (51), Смолов (55), Ливая (89).
Изоҳ (0)