Бугун,

  • USD 11095.31
  • RUB 173.84
  • EUR 10772.44

Италияда мафия гуруҳларига қарши сўнгги 30 йил ичидаги энг йирик суд жараёнида Калабриядаги «Ндрагента» жиноий ташкилотининг 70 нафар аъзосига ҳукм ўқилди. Суд жараёни Ламеция-Терме шаҳридаги шу мақсадда махсус қурилган мажмуада бўлиб ўтди, деб хабар беради «Korrespondent.net».

Фото: EPA

Фото: EPA

Маълум қилинишича, судланувчилар суд жараёнини ёпиқ эшиклар ортида тезлаштирилган тарзда ўтказиш бўйича қарор қабул қилган. Бунинг учун Италия ҳукумати уларга қамоқ жазоси тайинланса, унинг учдан бир қисмини қисқартириб беришга рози бўлган.

6 ноябрь кунги суд мажлисида 91 нафар айбланувчи иштирок этган. Натижадан уларнинг 21 нафари айбсиз деб топилган, қолганлари 20 йилгача озодликдан маҳрум этилган. Шов-шувларга сабаб бўлган мазкур жараён давомида 355 кишига — «Ндрангета» мафия гуруҳининг аъзолари, шунингдек, уларнинг шериклари дея тахмин қилинган шахсларга айблов эълон қилинган. Улар орасида сиёсатчилар ва полиция ходимлари ҳам бор. Гап қотиллик, босқинчилик, гиёҳванд моддалар савдоси, пул ювиш ва хизмат мавқейини суиистеъмол қилиш каби жиноятлар ҳақида кетмоқда.

«Ндрангета» мафия гуруҳи ҳақида

Айблов эълон қилинган шахсларнинг аксар қисми Италия, Германия, Швейцария ва Болгарияда 2019 йилда ўтказилган тезкор тадбирлар давомида қўлга олинган. Ҳукм ўқилган шахслардан бири — Манкузо мафия клани раҳбари — «Амаки» лақабли Луижи Манкузо ҳисобланади. Ҳукм ўқилишидан олдин ҳам у 20 йил қамоқда ўтирган.

Италия прокуратураси мамлакатда энг кучли таъсир доиралардан бирига эга замонавий мафия гуруҳи «Ндрагета»га қарши суд жараёни ўрнак бўлишига умид қилмоқда. Клан қурол-яроқ, одамлар ва гиёҳванд моддалар савдоси билан шуғулланади, кўп миллиардлик пул айланмасига эга. 2016 йилда унинг аъзолари ҳатто Италия шимолидаги кўчмас мулк операцияларда ҳам айбланган.

Эслатиб ўтамиз, январда мафияга алоқадорликда гумон қилинган 48 нафар киши ҳибсга олинган. Тезкор операцияда 200 нафар ҳуқуқ-тартибот органларининг ходимлари иштирок этган ва тадбирга вертолёт ҳам жалб этилганди. Февраль ойида эса Италияда ҳуқуқ-тартибот ходимлари томонидан ўтказилган иккита махсус операция давомида мамлакатдаги энг қудратли «Ндрангета» мафиясининг жами 45 нафар аъзоси ҳибсга олинганди.

Изоҳ
Asosiy yangiliklar
Дунё
«Украинадаги урушни Россия бошламаган» — Путин (видео)
Маҳаллий
Ўзбекистонда давлат ташкилотлари машиналарига газ қуйиш вақтинча тақиқланди
Маҳаллий
Тошкентда Cobalt йўлдан ўтаётган она-болани уриб юборди (видео)