Футбол бўйича Италия А Сериясининг 12-турида «Рома» 7 ноябрь, якшанба куни «Венеция» майдонида меҳмон бўлди.
Учрашувнинг 3-дақиқасидаёқ Маттиа Калдара майдон эгаларини олдинга олиб чиқди. 43-дақиқада Элдор Шомуродов А Сериядаги дебют голини урган ҳолда ҳисобни тенглаштирди. Биринчи бўлимга қўшиб берилган вақтда Шомуродовнинг узатмасидан кейин Тэмми Абраҳам римликларнинг иккинчи голини урди.
65-дақиқада Маттиа Араму пенальтини амалга оширди ва мувозанатни тиклади. 74-дақиқада Давид Окереке венецияликларнинг қарши ҳужумини голга айлантирди. Шомуродов 83-дақиқада захирага олинди.
Ушбу натижадан кейин «Рома» 19 очко билан 6-ўринда қолди. «Венеция» очколарини 12 тага етказиб олган ҳолда, 14-поғонага кўтарилди.
А Серия
12-тур баҳси
7 ноябрь, якшанба
«Венеция» — «Рома» 3:2
Голлар: 1:0 – 3 Калдара, 1:1 – 43 Шомуродов, 1:2 – 45 Абраҳам, 2:2 – 65, пенальти Араму, 3:2 – 74 Окереке.«Венеция»: Ромеро, Мацсокки (Эбуэхи, 77), Калдара, Чеккарони, Ҳапс, Чрнигой (Сигурдссон, 46), Ампаду, Бузио, Кийин (Модоло, 70), Араму (Тессманн, 77), Окереке (Анри, 89).
«Рома»: Руй Патрисиу, Карсдорп (Залевски, 83), Манчини, Кумбула (Карлес Перес, 66), Рожер, Верету, Кристанте, Пеллегрини, аш-Шаарави (Заниоло, 77), Шомуродов (Майораль, 83), Абраҳам.
Огоҳлантиришлар: Карсдорп (16), Кийин (47), Абраҳам (78).
Изоҳ (0)