Шампунь ва тиш пастасидан фойдаланмайди: Актриса Кэтрин Зета-Жонс ўзининг гўзаллик сирлари билан бўлишди

Британиялик актриса Кэтрин Зета-Жонс йиллар 52 ёш бўлишига қарамай, йиллар ўтган сайин ёшроқ кўринаётгани барчани бирдек қизиқтирмоқда. Кэтрин гўзаллигини сақлаб қолишда уй шароитида тайёрланган косметикаларни афзал кўради. Маълум бўлишича, актриса тиш пастаси, гел ва шампунлардан фойдаланмайди.

Кэтрин Зета-Жонс ҳар доим қимматбаҳо косметика воситаларига эътибор бермаслигини, чунки актрисанинг сўзларига кўра, улар зарарли кимёвий моддаларни ўз ичига олиши ва ташқи кўринишга ёмон таъсир қилишини маълум қилди. Актриса кўп йиллардан буён шампунь, ниқоб, скраб ва душ учун гел сотиб олмайди. Унинг таъкидлашича, сотиб олинган косметик маҳсулотларидан фойдалангандан сўнг тери тез қурийди, шунинг учун актриса фақат ўзи тайёрлайдиган табиий воситалардан фойдаланади.

Кэтрин қуюқ асал ва туз аралашмасини терининг энг яхши тозалаш воситаси деб билади. «Мен қуюқ аралашмани бутун танамга суртаман, кейин қуриб кетгунча кутаман. Ювиш вақтида аралашма барча кераксиз нарсаларни мукаммал даражада тозалайди, тери қаватларини намлайди ва узоқ вақт давомида ёқимли ҳид беради. Ҳа, баъзида мен бир неча кун давомида асал ҳиди уфуриб туради, аммо натижа бунга арзийди», – дейди актриса.

Айтганча, Зета-Жонс асални нафақат терини парвариш қилиш учун ишлатади. Балки уни кўп йиллардан бери пиво билан аралаштириб, шампунь сифатида ҳам фойдаланади. Шунинг учун ҳам актрисанинг сочлари узун, қалин ва порлоқ кўринишда. Шунингдек, Кэтрин гўзал табассумини таъминловчи қордек оқ тишларининг парваришига ҳам алоҳида ёндашади. Қизиғи, у тиш пастасидан фойдаланмайди.

Актриса оғиз бўшлиғининг гигиенасини диққат билан кузатиб боради, тез-тез тиш шифокори кўригидан ўтади ва милкига ҳам катта эътибор беради. Унинг тиш пасталарини ишлатишдан бош тортишининг сабаби оддий – маҳсулот таркибига ишонмайди. Мисол учун, ҳар овқатланишдан кейин актриса олма тановул қилади. Унинг шарбати озиқ-овқат зарраларини олиб ташлайди ва тишларни олма кислотаси билан оқартиради, бу эса тиш юзасида қоплама шаклланишига тўсқинлик қилади. Агар олма бўлмаса, Кэтрин уйда қулупнайни майдалайди ва унинг пюреси билан тишларини тозалайди. Актрисанинг сўзларига кўра, табиий маҳсулотлар нафақат тишларга оқлик беради, балки милкларни ҳам мустаҳкамлайди.