51 ёшли Ҳалит Эргенч оиласида байрам –актёрнинг рафиқаси 2021 йил 3 ноябрь куни қиз фарзандини дунёга келтирди. Жуфтлик қиз фарзанди бўлишини узоқ вақт кутган.
Ўзбек томошабинларига «Муҳташам юз йил» сериалидаги Султон Сулаймон роли билан таниш бўлган туркиялик актёр Ҳалит Эргенч ва унинг 39 ёшли рафиқаси актриса Бергузар Корел учинчи марта ота-она бўлди. Хушхабарни актёрнинг рафиқаси хабар қилди.
Истанбулдаги шифохонада дунёга келган қизалоққа Лейла исми берилган. Бергузарнинг ҳомиладорлик даври оғир кечганига қарамай, она ва чақалоқнинг аҳволи яхши.
Эслатиб ўтамиз, 2021 йил 10 октябрь куни юлдузли жуфтлик барча қариндошлари ва яқин дўстларини baby shower зиёфатига таклиф қилиб, туғилажак фарзандининг жинси ва исмини маълум қилган.
Изоҳ (0)