Сирдарёда 4 ноябрь куни бошланган чанг бўрони кечга бориб Тошкентга ҳам етиб келди. Чанг туфайли атрофни кўриш даражаси чекланди. Автомобиллар ҳаракати секинлашди. Қуйида Тошкентда кузатилаётган чанг бўрони суратларини тақдим этамиз.
ИИВ ЙҲХББ ҳайдовчиларни кузатилаётган ҳолат юзасидан огоҳлантириб, бир неча тавсиялар берди.
Йўл ҳаракати хавфсизлиги бош бошқармаси ҳайдовчилардан:
- техник носозликлар, айниқса, рул бошқаруви ва тормоз тизимида носозликлари бўлган транспорт воситаларидан фойдаланмасликни;
- иситиш тизими носоз бўлган, автотранспорт ойналари терлаб сунъий пардани ҳосил қилиб, кўринишни чеклайдиган транспорт воситаларидан фойдаланмасликни;
- ҳайдовчилар оралиқ масофани хавфсизлик даражасида ушлашни;
- белгиланган тезлик талабларига аниқ риоя қилишни;
- транспорт воситасини спиртли ичимликдан маст бўлган ҳолда бошқармасликларини сўраб қолади.
Изоҳ (0)