Етилмаган хурмодан тахир таъм келади. Бунга ушбу мева таркибидаги модда – танин сабаб бўлади. Пишган хурмо одатда ёрқин оловранг ёки тўқ жигарранг бўлади. Пўстида жигарранг чизиқлар қанча кўп бўлса, мева шунчалик мазали бўлади. Аммо бир неча усуллар орқали ундаги тахир таъмни йўқотиш мумкин.
Музлатиш
Мевани музлаткичга қўйиш энг яхши усул ҳисобланади. Музи тушганидан кейин тахир таъм ҳам йўқолади. Аммо музлатилганда хурмо таркибидаги озуқавий моддаларнинг ярми йўқолишини унутмаслик керак.
Иссиқ сувга солиш
Шунингдек, хурмони иссиқ сувга солса ҳам бўлади. Бунда мева таркибидаги танин парчаланиб кетади. Сув қанча иссиқ бўлса, уни сувда шунча кам ушлаш керак. Аммо сув қанча иссиқ бўлса, мева шунча желесимон бўлиб қолиши мумкинлигини унутмаслик лозим.
Етилишини жадаллаштириш
Бунинг учун етилмаган хурмони банан ёки олма билан битта пакетга солиб қўйиш керак. Улардан хурмо етилишини жадаллаштирадиган этилен гази ажралади.
Қуритиш
Шунингдек, хурмони кесиб, қуритиш учун қўйса ҳам бўлади. Бунда тахирлиги кетиб, ширин бўлиб қолади. Шунингдек, печ эшигини бироз очиб қўйиб, паст ҳароратда ҳам қуритиш мумкин.
Хурмо асосан кузда пишиб етилади. Хилига қараб унинг ранги тўқ сариқ ёки ёрқин қизилдан жигарранггача, шакли ҳам турлича бўлиши мумкин.
Мавзуга доир:
Изоҳ (0)