Yetilmagan xurmodan taxir ta’m keladi. Bunga ushbu meva tarkibidagi modda – tanin sabab bo‘ladi. Pishgan xurmo odatda yorqin olovrang yoki to‘q jigarrang bo‘ladi. Po‘stida jigarrang chiziqlar qancha ko‘p bo‘lsa, meva shunchalik mazali bo‘ladi. Ammo bir necha usullar orqali undagi taxir ta’mni yo‘qotish mumkin.
Muzlatish
Mevani muzlatkichga qo‘yish eng yaxshi usul hisoblanadi. Muzi tushganidan keyin taxir ta’m ham yo‘qoladi. Ammo muzlatilganda xurmo tarkibidagi ozuqaviy moddalarning yarmi yo‘qolishini unutmaslik kerak.
Issiq suvga solish
Shuningdek, xurmoni issiq suvga solsa ham bo‘ladi. Bunda meva tarkibidagi tanin parchalanib ketadi. Suv qancha issiq bo‘lsa, uni suvda shuncha kam ushlash kerak. Ammo suv qancha issiq bo‘lsa, meva shuncha jelesimon bo‘lib qolishi mumkinligini unutmaslik lozim.
Yetilishini jadallashtirish
Buning uchun yetilmagan xurmoni banan yoki olma bilan bitta paketga solib qo‘yish kerak. Ulardan xurmo yetilishini jadallashtiradigan etilen gazi ajraladi.
Quritish
Shuningdek, xurmoni kesib, quritish uchun qo‘ysa ham bo‘ladi. Bunda taxirligi ketib, shirin bo‘lib qoladi. Shuningdek, pech eshigini biroz ochib qo‘yib, past haroratda ham quritish mumkin.
Xurmo asosan kuzda pishib yetiladi. Xiliga qarab uning rangi to‘q sariq yoki yorqin qizildan jigarranggacha, shakli ham turlicha bo‘lishi mumkin.
Mavzuga doir:
- Mavsum tuhfasi: Xurmoni ratsionga kiritish uchun 7 sabab
- Yetilganmi yoki yo‘q: xurmo tanlashda nimalarga e’tibor berish kerak?
- Arab xurmosining foydali jihatlari haqida 8 ta ilmiy fakt
- O‘rik iste’mol qilganda organizmda qanday o‘zgarish kuzatiladi?
- Anjir mavsumi: mevaning foydali va zararli tomonlari
Izoh (0)