Бугунги кунда деярли ҳар бир хонадонда бўлган микротўлқинли печ шошганда маҳсулотларни бир зумда иситиб бериши билан айни муддао. Аммо ундан фойдаланаётганда ҳамма нарсани ҳам ичига қўявериш ярамайди.

Аччиқ қалампир

Қалампирда капсаицин бирикмаси бисёр бўлади. Агар уни микротўлқинли печда қиздирилса, ушбу модда ҳавога тарқалиши мумкин бўлади. Бу эса кўз ва томоқ шиллиқ қаватига зарар етказиши мумкин.

Томат соуси

Томат соуси микротўлқинли печ ичида отилиб, ҳамма ерга сачраши мумкин. Ҳаддан ортиқ қуюқлиги ҳисобига сувнинг парланиши қийин кечади ва у буғ кўринишида юқорида тўпланади ҳамда микротўлқинли печ ичига сачрайди. Айнан шу сабаб ҳам томат соусли паста солинганда микротўлқинли печнинг ичи расво бўлади.

Узум

Узумни микротўлқинли печ ичида қиздирса ва доначалари бир-бирига яқин бўлса, махсус зарядланган заррачалар пайдо бўлади. Бу эса печнинг ишдан чиқишига олиб келиши мумкин.

Қуритилган мева ва сабзавотлар

Мева ва сабзавотларни микротўлқинли печда эритиш яхши фикр эмас. Гап шундаки, фойдали хусусиятлар канцерогенга айланиши мумкин. Шу сабаб ҳам муздан эритмоқчи бўлганда ушбу маҳсулотларни кечаси совиткичга қўйиб қўйишнинг ўзи кифоя.

Сосискалар

Қайта ишланган гўшт маҳсулотларини нафақат микротўлқинли печда, балки шунчаки қиздириш ҳам ярамайди. Юқори ҳароратда холестерин оксидланиши кузатилади. Оқибатда организм учун зарарли бўлган моддалар ҳосил бўлади.

Нордон сут маҳсулотлари

Аслида сут ва нордан сут маҳсулотларига термик ишлов беришнинг ёмон тарафи йўқ, аммо микротўлқинли печда қиздириш ҳақида бундай деб бўлмайди. Чунки унда иситиш зарарли моддалар, масалан, трансёғ кислоталарнинг кўпайишига олиб келади.

Пишлоқ

Ўтказилган тажрибалардан бирида пишлоқ билан микротўлқинли печнинг ҳамиша ҳам чиқишавермаслиги аниқланган. Жараёнда оқ нордон пишлоқ турига мансуб набулси 10 дақиқа давомида микротўлқинли печда қиздирилган. Шундан кейин таркиби яхшилаб текширилган. Унда пишлоқ таркибидаги энг фойдали моддаларнинг сезиларли қисми йўқолгани, антиканцероген компонентлар камайгани аниқланган.

Болалар таоми

Шунингдек, микротўлқинли печда она сути ва болалар егуликларини иситиш ҳам тавсия қилинмайди. Тадқиқотларда микротўлқинли печ уларни бир хил даражада қиздирмайди. Қайноқ қисми боланинг оғзини куйдириши мумкин.

Гўшт

Гўшт ҳам бир хил исимагани ҳисобига яхши термик ишлов берилмаган қисмларида зарарли бактериялар қолиб кетиши мумкин.