Бу оддий лайфхак узун сочларни чиройли турмаклашда, албатта, қўл келади.
Турмак учун мўлжалланган ёстиқча кетма-кет бир неча мавсумда ҳам модадан қолгани йўқ. Бу ажабланарли эмас, чунки нафақат чиройли, балки жуда қулай ҳам. Кўп аёллар сочга ҳажм қўшиш учун думалоқ шаклдаги ёстиқдан фойдаланади. Аслида, мукаммал турмак ясаш учун унга эга бўлиш шарт эмас, чунки уни оддий пайпоқ билан осонгина алмаштириш мумкин. Ва бу 10 дақиқадан ошмайди.
Соч учун ёстиқча қандай ясалади?
Бир жуфт пайпоқ, пайпоқ қанчалик узун бўлса, рулонли ёстиқ шунчалик катта бўлади. Рангни сочга мослаштириш тавсия этилади.
Керакли буюмлар:- қайчи;
- соч учун тасма;
- тароқ;
- соч учун спрей.
- Ҳар бир пайпоқнинг қирраларини қайчи билан кесиб олинади.
- Биринчи пайпоқни чет қисмлари йиғилиб, айлантирилади.
- Агар каттароқ ёстиқча керак бўлса, иккинчи пайпоқнинг чети биринчисининг остига қўйилади ва катталашгунча буралади.
- Кераксиз қисмини кесиб ташлаш мумкин.
- Айлана текисланади, шунда ғижимлар қолмайди ва силлиқ бўлади.
Соч таралади ва эластик тасма тақилади. Суратда турмакнинг баланд версияси кўрсатилган, лекин ҳамма хоҳишга кўра тақиши мумкин.
Сочларни юқорига кўтариб, айлана ичидан ўтказилади.
Айлана соч учлари томон силжитилади, шунда уни ҳаракатлантириш мумкин. Ёстиқча айлантирилади, шунда сочлар унга маҳкамланади. Бош томон ҳаракатлантирилади.
Сочлар юқорига тортилади ва тенг тақсимланади. Бу жараён биринчи марта ўхшамаслиги мумкин, лекин вақт ўтиши билан чиройли соч турмаги ҳосил бўлади. Фақат машқ қилишингиз керак.
Изоҳ (0)