Творог сифатли оқсил, B гуруҳи витаминларининг кони саналади. Мунтазам равишда истеъмол қилиш моддалар алмашинувини яхшилаб, мия фаолиятини яхшилайди, темир моддасининг сўрилишига ёрдам беради. Бир порция ўртача катталикдаги творогда суткалик кальций меъёрининг 30 фоизи, шунингдек, D витаминининг етарлича миқдори мужассам бўлади. Ушбу моддалар суяк, тирноқ ва сочларнинг мустаҳкам бўлиши учун муҳим.
Мева ва резаворлар
Творогни мазали ва фойдали қилишнинг оддий усули — унга мева ва резаворлар қўшиш ҳисобланади. Олма темир моддасининг, шафтоли каротин ва витаминларнинг, банан эса калийнинг кони саналади. Исталган мева ва резаворларни ишлаца бўлади, совуқ кунларда эса барра маҳсулотлар ўрнига музлатилган, консерваланган вариантлардан фойдаланиш мумкин. Консерваланганидан фойдаланганда унинг қиём эмас, ўз шарбатига ёпилганига эътибор қаратинг. Бу орқали ортиқча шакар истеъмолидан чекланишингиз мумкин.
Қуритилган мевалар
Яна бир фойдали вариант творогга қуритилган мевалар: ўрик, хурмо, анжир ва бошқаларни қўшиш ҳисобланади. Уларнинг бари организм учун фойданинг кони. Гап шундаки, қуритилган меваларда озиқавий моддалар концентрацияси кўпроқ бўлади.
Ёнғоқ
Ёнғоқ омега-6 ёғ кислотаси ва ўсимлик оқсилининг кони. Тўқ тутгани ҳисобига узоқ вақт давомида очлик ҳисси унутилади, шунингдек, мия фаоллигини рағбатлантиради. Творог билан қўшилганда организм учун фойдали бўлган балансли егуликка айланади.
Сабзавотлар
Кўпчилик творогга шакар, мураббо ва барра меваларни қўшиб истеъмол қилишни яхши кўради. Аммо сабзавот қўшилганда творогнинг максимал даражада парҳезбоп ва фойдали бўлишини ёддан чиқармаслик керак. Творогни бринза ёки фета сингари салатларга ҳам қўшиш мумкин. Калорияси кам бўлган бундай егулик саломат бўлишингизда яхши самара беради.
Изоҳ (0)