Республика Гидрометеорология маркази маълумотларига кўра, 29 октябрь кундуз куни Ўзбекистон ҳудудининг катта қисмида булутли ва ёғингарчиликсиз совуқ об-ҳаво бўлиши кутилмоқда. Фақат Фарғона водийсида куннинг иккинчи ярмида бироз ёмғир ёғади.
Тошкент вилоятида эса куннинг биринчи ярмида баъзи жойларда бироз шивалама ёмғир ёғиши мумкин. Тоғли ҳудудларда баъзи жойларда ёмғир ва қор кўринишидаги ёғингарчилик бўлади. Ҳаво ҳарорати 8-13 даража илиқ атрофида бўлади. Бу октябрь ойи охирги кунлари меъёридан 4-5 даражага пастдир.
30 октябрь, шанба куни Ўзбекистонда булутлилик нисбатан кам бўлади, ёғингарчилик ҳатто тоғли ҳудудларда кутилмайди. Кечаси ва эрталаб ҳарорат 0-3 даража илиққача пасаяди, кундуз куни эса 16-19 даража илиқ бўлади.
31 октябрь, якшанба куни республика бўйича ҳавода яна булут кўпайиши кутилмоқда, Ўзбекистоннинг айрим ҳудудларида бироз ёмғир ёғиши эҳтимоли бор. Тоғларда баъзи жойларда ёғингарчилик (ёмғир, қор) бўлади.
Ҳаво ҳарорати кечаси 2-7 даража илиқ, кундузи 12-17 даража илиқ атрофида бўлади.
Изоҳ (0)