Футбол бўйича Ўзбекистон чемпионатининг 23-туридан ўрин олган сўнгги ўйин 25 октябрь, душанба куни бўлиб ўтди.
«Насаф» Андижонда меҳмон бўлди. Учрашувнинг 26-дақиқасида «Андижон» футболчиси Василий Совпел ҳисобни очди. 57-дақиқада Андрия Калудерович пенальтидан унумли фойдаланиб, мувозанатни тиклади.
70-дақиқада «Насаф» жамоаси бурчакдан ошириб берилган тўпни голга айлантирди. Аммо бош ҳакам ҳужумчи қўл билан ўйнади, деб ҳисоблаб, голни инобатга олмади. Натижада тортишув юзага келди, «Насаф» бош мураббийи Рўзиқул Бердиев майдонга чиқиб, ўз шогирдларини олиб чиқишга ҳаракат қилди. Қисқа муддатли мунозаралардан сўнг ўйин давом эттирилди.
87-дақиқада қаршиликлар дарвозаси томон пенальти белгиланди. Аммо Фарҳод Соҳибжонов пенальтини ноаниқ амалга оширди. Шу тариқа ўйин 1:1 ҳисоби билан якунланди.
Учрашувдан сўнг «Андижон» очколари сонини 19 тага етказиб, 13-ўриндан жой олди. «Насаф» эса 40 очко билан 4-ўринда бормоқда.
23-турдан сўнг мусобақа жадвали:
Суперлига
23-тур баҳси
25 октябрь, душанба
«Андижон» — «Насаф» 1:1
Голлар: 1:0 — 26 Совпел, 1:1 — 57 Калудерович (пенальти).«Андижон»: 1. Элдор Адҳамов, 2. Сардор Хурсандов, 3. Азамат Исроилов, 4. Усмонали Исмоналиев, 5. Абдувоҳид Ғуломов, 8. Бахтиёр Қосимов, 9. Павел Забелин, 14. Василий Совпел, 17. Фарҳод Соҳибжонов, 18. Абдуғани Камолов, 49. Пламен Димов.
«Насаф»: 1. Умиджон Эргашев, 2. Алибек Давронов (34. Шерзод Насруллаев, 85), 5. Ғолиб Ғайбуллаев, 7. Дониёр Нарзуллаев, 8. Дилшод Саитов, 18. Баҳром Абдураҳимов (50. Шоҳмалик Комилов, 77), 22. Акмал Мозговой, 77. Ойбек Бозоров (20. Суҳроб Нуруллоев, 85), 88. Марко Станоевич, 92. Умар Эшмуродов, 99. Андрия Калудерович (19. Ҳусайн Норчаэв, 77).
Огоҳлантиришлар: Қосимов (54), Норчаев (80).
Изоҳ (0)