15:51, 25.10.2021 29145

Қироличадек кийининг: Монарх хонимларнинг такрорлаш мумкин бўлган 9 образи (фото)

Кузги образлар ўзига хос кўриниши учун қиролича ва маликалардан илҳомланишингиз мумкин.

Меган Маркл — чарм юбка база сифатида

Фото: Cosmopolitan

Қироллик дресс-коди тажриба қилиш имконини бермаганда гардеробга қизиқарли ранг ва фактуралар қўшиш мумкин. Консерватив образни ўзига хос кўрсатиш учун Меган чармдан фойдаланади.

Фото: Cosmopolitan

Чармдан тикилган ёпишиб турадиган юбка рангининг ҳисобига қиммат кўринади, аммо шу билан бирга, зерикарли ҳам бўлиб қолмайди. Уни кузги гардеробни асоси сифатида танлаш, мослаб кофта ёки жемфер билан кийиш мумкин.

Меган Маркл — пальто ва бурмали этик

Фото: Cosmopolitan

Ушбу усулда кийиниш кишини сарвқомат кўрсатиши аниқ. Бўй паст бўлиб қолмаслиги учун эса пальто рангидаги пошнали этик кийинг.

Фото: Cosmopolitan

Тиззадан паст турадиган бурмали этик билан уни ёпиб турадиган узунликдаги юбка образни ўзига хос кўрсатади.

Меган Маркл — пальто, кенг шим ва пошнали этик

Фото: Cosmopolitan

Меган Маркл бўйини баланд кўрсатиш учун тепа қисми баланд, узун ва этаги кенг шим кийиб, уни узун пальто ҳамда пошнали пойабзал билан мослайди.

Фото: Cosmopolitan

Бундай умумлашма оёқларни узун, қоматни эса ихчам кўрсатади.

Кейт Миддлтон — катак-катак принт

Фото: Cosmopolitan

Катак-катак куз учун энг яхши принт эканини Кейт образлари билан бир неча марта исботлаган. Ундан асос сифатида фойдаланиш ёки урғу сифатида мослаш мумкин.

Фото: Cosmopolitan

Оддий элемент қўшиб, ушбу принтли устки кийим билан ноодатий кўринишга эга бўлса ҳам бўлади.

Кейт Миддлтон — бошдан оёқ бир рангда кийиниш

Фото: Cosmopolitan

Бошдан оёқ бир рангда кийиниш образни жуда ҳам ўзига хос кўрсатади. Асос сифатида плиссировкали юбкадан фойдаланиш образнинг омадли чиқишини таъминлайди. Қоматга урғу бериб, кузги қалин кийимларни тўла кўрсатиб қўймасликни таъминлайди.

Фото: Cosmopolitan

Устки кийим сифатида юмшоқ матодан тикилган водолазка кийиш ёки oversize пиджакларга эътибор қаратиш мумкин.

Малика Диана — универсал жемфер

Фото: Cosmopolitan

Малика Диана устма-уст кийимларни мослаш ва ўзаро уйғунлаштиришни ҳам эплай олган.

Фото: Cosmopolitan

У ёқали кофта устидан кенг турадиган жемфер кийишни ёқтирган. Кун исиб кетадиган бўлса, жемферни ечиб, елкасига ташлаб олиши мумкин бўлган.

Малика Диана — этик ва жинси

Фото: Cosmopolitan

Бундай усулда кийиниш ёмғирли ҳаво учун айни муддао. Шимни этик ичига тиқиш ҳам қулай, ҳам иссиқ тутади. Шимнинг бел қисми юқори турадиган бўлса, ичига водолазка ёки кофта киргизиш керак.

Фото: Cosmopolitan

Этик танлаганда юқори қисми кенг вариантларга эътибор қараца бўлади. Масалан, Диана бу борада олд қисми учли казакиларни афзал билган.

Қиролича Летисия — кул ранг костюм ва пальто

Фото: Cosmopolitan

Кул ранг костюм — қиролича гардеробига хос классика саналади. Шунга қарамай, Летисия ҳар сафар турли образларни намоён қила олади. Кул ранг универсал ва кундалик образ учун айни муддао бўлган ранг ҳисобланади.

Фото: Cosmopolitan

Қолаверса, бошқа ранглар билан мослаш ва умумлаштириш мумкин. Костюм янада ўзига хос кўриниши учун қалин ва қаттиқ матодан тикилган моделларга, шунингдек, катак принтли вариантларга эътибор қаратинг.

Малика Мария-Олимпия — пойабзал ва калта юбка

Фото: Cosmopolitan

Кузда калта кийиб бўлмайди, деб ўйлаганлар янглишади. Мария-Олимпиянинг кузги гардеробида, масалан, кузги калта юбкани учратиш мумкин.

Фото: Cosmopolitan

Образга ўзига хослик қўшиш учун у қўпол пойабзал қўшишни афзал билади.