Инсон борки, баъзида ҳаёти билан боғлиқ муҳим қарорларни қабул қилиши, муаммоларга ечим топиш учун асқатадиган тавсияларга эҳтиёж сезади. Кучли ва ақлли аёлларнинг барча вазиятга тўғри келадиган илҳомлантирувчи ва мотивацион маслаҳатлари бу борада айни муддао ҳисобланади.
Жулия Робертс
«Агар ҳар бир одам бир дақиқа тўхтаб, ҳаётида нима яхшиликлар борлигини эсласа, одамларнинг бари бахтли бўлади».
Алла Пугачёва
«Қадрли аёллар! Сизни эркакларга нисбатан ҳазилкашлик ҳисси тарк этмаслиги керак, шунда ҳаммаси яхши бўлади».
Леди Гага
«Ҳаётда ўзингни ғолиб деб ҳис қилмайдиган дақиқалар бўлади. Аммо бу сенинг ғолиб эмаслигингни англатмайди».
Қиролича Елизавета II
«Қайғу — бу бизнинг севги учун тўловимиз нархи».
Женнифер Энистон
«Мен учун дунёдаги энг севимли машғулот — ўзимни жиддий қабул қилмаслик».
Женнифер Лопес
«Ўзингни севмасанг бошқани ҳам сева олмайсан. Биз, аёллар, кўпинча буни унутиб қўямиз».
Анжелина Жоли
«Биз кимнидир ва ниҳоят идеал инсонни учратганимиз учун эмас, ундаги номукаммалликни кўрганимиз учун севамиз».
Пелагея
«Нимадир ўхшамайдиган бўлса, ҳамиша йиғлаш мумкин».
Мадонна
«Кўпчилик аслида нимани хоҳлаётганини айтишдан чўчийди ва айнан шунинг учун ҳам улар истаганини қўлга киритмайди».
Светлана Ходченкова
«Ким нима деса-десин, аммо эркак киши учун қиз боланинг оёқ остида ўралашгани эмас, мустақил экани ҳамиша ёқимли. Биз, ўзимиз нимагадир эришиш учун яратилганмиз».
Рианна
«Қулай фурсатни кутма. Ҳозирги фурсатни қулайлаштиришга ҳаракат қил».
Шерон Стоун
«Ҳаётда қандай йиқилишинг эмас, ўрнингдан қандай туришинг муҳим».
Земфира
«Ейишга ҳеч нима йўқми? Ётиб ухла. Кайфият ёмонми? Ётиб ухла. Уйғонганингда ҳаммаси яхши бўлади. Агар бўлмаса — ухлашда давом эт».
Жоан Роулинг
«Дунёни ўзгартириш учун сизга ҳеч қандай мўъжизанинг кераги йўқ. Сизга керак бўлган ҳамма нарса, аллақачон ўзингизда мужассам».
Наталя Водянова
«Муҳими — позитив одам бўлиб қолган ҳолда «йўқ» дейишни уддасидан чиқиш».
Маргарет Тетчер
«Агар нимадир айтилишини истасангиз эркак кишидан, нимадир бажарилишини истасангиз эса аёл кишидан сўранг».