Сурхондарё вилоятида «ЗИЛ» пиёдани уриб кетди, дея хабар қилмоқда ИИВ ахборот хизмати.
Қайд этилишича, 2021 йилнинг 11 октябрь куни соат 17:10 ларда Шўрчи тумани «Элбаён» маҳалласи ҳудудидан ўтувчи М-41 автомобиль йўлининг 1513-километрида 1993 йилда туғилган ҳайдовчи «ГАЗ-53» русумли юк машинаси билан Шўрчи–Қумқўрғон йўналишида бошқарувни йўқотиб, йўлнинг белгиланмаган қисмидан ўтаётган пиёдани уриб юборди.
Оқибатда 1963 йилда туғилган аёл Шўрчи тумани тиббиёт бирлашмасининг жонлантириш бўлимида вафот этди.
ЙТҲ содир бўлишига юк машинаси ҳайдовчиси юқори тезликда ҳаракатлангани ва пиёданинг йўлнинг белгиланмаган қисмидан ўтгани асосий сабаб қилиб кўрсатилган.
Бундан аввал Қамчиқ довонида Isuzu ва Kiа юк машиналари иштирокида содир бўлган ЙТҲ оқибатида ҳайдовчилардан бири ҳалок бўлгани, Наманганда «Жигули» ариққа тушиб кетиши оқибатида ҳайдовчи вафот этгани ҳамда Наманганда Nexia йўл четида турган пиёдани уриб кетгани ҳақида хабар берилганди.
Изоҳ (0)