Namangan shahrida Nexia piyodani urib ketdi, deya xabar bermoqda viloyat IIB axborot xizmati.

Ma’lum qilinishicha, 2021-yil 11-oktabr kuni soat 22:00 larda Namangan shahar, “G‘ishtko‘prik” MFY hududida Namangan tumanida yashovchi, 1997-yilda tug‘ilgan fuqaro Nexia rusumli avtomashinasini tegishli hujjatlar bilan boshqarib borayotib, harakat xavfsizligini ta’minlay olmagan.

Shu tufayli yo‘lning o‘ng chetida turgan piyoda, Namangan shahrida yashagan, 1981-yilda tug‘ilgan fuqaroni urib yuborgan.

Piyoda olgan tan jarohati oqibatida shifoxonada vafot etgan.

Ushbu holat bo‘yicha Namangan shahar IIO FMB huzuridagi TB tomonidan 2021-yil 11-oktabr kuni Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish xavfsizligi qoidalarini buzish) bilan jinoyat ishi qo‘zg‘atilgan.

Bundan avval Toshkentda Lacetti bilan to‘qnashgan Nexia yonib ketgani, Qashqadaryoda harakatlanayotgan Nexia’ning chiqib ketgan g‘ildiragi boshqa bir haydovchining o‘limiga sababchi bo‘lgani hamda Namanganda “Moskvich” urib ketishi oqibatida velosipedchi vafot etgani haqida xabar berilgandi.