АҚШ собиқ президенти Билл Клинтон унинг соғлиғи ҳақида қайғурган барчага видеомурожаат йўллади, у одамларга миннатдорлик билдирган ва соғая бошлаганини билдирган, деб ёзмоқда «Интерфакс».
«Яна уйимда эканимдан жуда хурсандман. Ўзимни жуда яхши ҳис этяпман ва кузнинг ажойиб ҳавосидан роҳатланяпман», — дея таъкидлаган Клинтон Twitter’га юклаган видеохабарида.
Собиқ президент Ирвиндаги Калифорния университети Тиббиёт маркази шифокорларига ташаккурини изҳор қилиб, тиббиёт муассасасида даволанган вақтида кўплаб одамларнинг унга руҳий кўмак беришга ҳаракат қилганидан қаттиқ таъсирланганини қайд этди.
Клинтон 12 октябрда урологик инфекция билан боғлиқ муаммо туфайли касалхонага тушиб қолган ва у ерда умумий ҳисобда беш кун давомида даволанган. Собиқ президент шифохонадан чиққач, Нью-Йоркдаги уйига кетган ва у ерда антибиотик дори воситалари билан даволаниш курсини ўтказмоқда.
Клинтон АҚШнинг 42-президенти сифатида тарихда қолган. У давлатни икки президентлик муддати давомида — 1993—1997 йилларда ва 1997—2001 йилларда бошқарган.
2021 йил 11 октябрда Чехия президенти Милош Земан реанимацияга тушгани ва шифокорлар унга қўйилган ташхисни сир сақлаётгани хабар қилинган. 12 октябрь куни касалхонада ётган Чехия президентининг ваколатларидан маҳрум қилиш масаласи кўриб чиқилиши мумкинлиги, 19 октябрда эса Милош Земан Чехия президенти мажбуриятларини бажара олмаслиги сабабли унинг ваколатлари бўлиб олиниши ҳақида хабар берилган.
Изоҳ (0)