Electric Ride on Cars компанияси тадқиқот ўтказиб, дунёдаги энг бадавлат қироллик оиласининг фарзанди исмини аниқлади, деб хабар беради «Korrespondent.net».
Фото: Getty Images
Тадқиқотларга кўра, энг кўп бойлик Кейт Миддлтон ва шаҳзода Уильямнинг ўртанча фарзанди малика Шарлотта Елизавета Дианага тегишли. У қарийб 5 миллиард долларга эгалик қилади.
Ҳозирда малика Шарлотта олти ёшда. У нафақат ўзининг акаси ва укасини, балки ҳозирда 29,65 миллион долларга эга амакиваччаси — шаҳзода Гарри ва Меган Марклнинг ўғли Арчини ҳам ортда қолдирган.
Бундан ташқари, малика Шарлотта дунёдаги энг бадавлат болалар орасидаги рейтингга ҳам етакчилик қилади.
Эслатиб ўтамиз, 2015 йилда туғилган Шарлотта қироличанинг бешинчи эвараси ҳисобланади. У Британия тахтига тўртинчи ўринда даъвогарлик қилади. Шарлотта — чақалоқнинг буваси Уэльс шаҳзодаси Чарльз исмининг аёлларга хос вариантидир. У француз тилидан олинган бўлиб, «латофатли ва назокатли» деган маъноларни англатади. Ундан ташқари бу Кейтнинг туғишган синглиси Пиппа Миддлтоннинг иккинчи исми ҳамдир.
