Ko‘pchilik Britaniya qirollik oilasi deganda birinchi galda Megan Markl va Keyt Middltonni esga oladi va ular doimo bir-biri bilan taqqoslanadi. Biroq ularning hech biriga Buyuk Britaniyaning hukmron oilasi a’zolari orasida eng go‘zal ayol unvoni berilmagan, garchi ko‘pchilik har ikkala gersoginyani tashqi ko‘rinish jihatdan chiroyli deb hisoblasa ham.
Yelizaveta II ning jiyani va aka-uka Garri va Uilyamning amakivachchasi 26 yoshli Ameliya Vindzor qirollik oilasidagi eng go‘zal ayol deb topildi. Qiz taxtga merosxo‘rlik qilishi bo‘yicha 42-o‘rinda. Biroq unga bunday mashhurlikni nafaqat qirollik oilasiga mansubligi, balki uning modellik karyerasi ham olib keldi.
Tatler jurnali Megan Markl va Keyt Middltonlarning mashhur bo‘lishiga qaramay ulardan yoqimtoyroq bo‘lib chiqqan Ameliyani gersoginya va malikalar orasida “Go‘zallik qirolichasi” unvoniga munosib ko‘rdi.
Ammo Ameliya xonim Garri va Uilyamning rafiqalari kabi muxlislar armiyasiga ega bo‘lmasa-da, bir qancha mashhur jurnallar qizni ko‘p yillar davomida qirollik oilasining asosiy uslub belgisi deb atashgan. Bu borada ular haq: Ameliya Vindzor — dunyodagi ko‘plab podiumlarni zabt etgan professional model. Qirolichaning jiyani Keyt Moss, Kara Delevin, Sindi Krouford va boshqalar ishlaydigan taniqli modellik agentliklari bilan shartnoma imzolagan. Ameliya — Dolce & Gabbana modalar uyi ko‘rgazmalarining sevimli modeli, shuning uchun u tez-tez mazkur moda brendining hashamatli liboslarida namoyon bo‘ladi.
- 25 yildan so‘ng qirollik oilasi malika Diananing shov-shuvli intervyusi uchun 1,5 million dollar tovon puli oladigan bo‘ldi
- Qirolicha Yelizaveta II tomonidan Vindzorlarga hadya qilingan hashamatli uylar (foto)
- Keyt Middltonning suratlari London muzeyida namoyish etildi
- Bir ko‘rishdagi muhabbat: Megan Markl va shahzoda Garrining munosabatlari davomidagi eng ta’sirchan lahzalar (foto)
- Qirollik oilasi hayotining o‘ziga xos afzalliklari
