Ўзбекистонда коронавируснинг ўрта оғир даражасини бошдан кечираётган беморни даволашга давлат бюджетидан, тахминан, 1,4 минг доллар сарфланмоқда. Бу ҳақда Зангиота туманидаги 2-сон юқумли касалликлар шифохонаси директори Дониёр Миразимовга таяниб, «Подробно» хабар берди.
«Ҳар куни 130—140 нафар бемор шифохонага ётқизилмоқда. Афсуски, уларнинг аксарияти оғир аҳволда — булар 60 ёшдан катталар ва сурункали касаллиги бор беморлар. Вакцина тарғиботи бўйича кенг кўламли кампания мамлакатда апрелда бошланган, яъни бизга ҳамон вакцина олишга имкони бўлган, лекин турли сабабларга кўра буни амалга оширмаган инсонлар келиши давом этмоқда», — дейди Миразимов.
Унинг сўзларига кўра, Ўзбекистонда ёзда кузатилган коронавирус тўлқини дельта-штамм анча хавфли эканини кўрсатган, хусусан, болалар учун ҳам.
«Коронавирусга чалинган инсон касалликни ўрта даражада бошидан ўтказса ва шифохонада ёца, давлат уни даволашга камида 15 миллион сўм сарфлайди. Агар бемор реанимацияга тушса, харажатлар оғирлик даражасига боғлиқ — 30 миллион сўм ва ундан юқори. Шу сабабли вакцина анча тежамкор ва хавфсиз вариант, шунингдек, у пандемияни тугатишга имкон беради», — дея таъкидлайди у.
Аввалроқ Зангиота туманидаги 1-сон юқумли касалликлар шифохонасида 160 нафарга яқин бола даволанаётгани тўғрисида хабар берилганди.
Изоҳ (0)