Bu mashhur o‘qituvchilar oddiy maktab xodimlaridan jahonga tanilgan yulduzlarga aylandi. Ular qanday qilib o‘z hayotini tubdan o‘zgartirganini bilish qiziqmi? Yulduz-o‘qituvchilarning bu haqidagi hikoyalarni e’tiboringizga havola etamiz.
Jin Simmons
Minglab odamlar oldida chiqish qilishdan oldin bassist va vokalist Kiss bir necha oy Nyu-Yorkning Yuqori Vest-Sayd tumanida umumta’lim maktabining 6-sinfida dars bergan. “Olti oydan keyin ketishimning sababi – men o‘qituvchi bo‘lishimning haqiqiy sababini topdim”, – deya tushuntirdi Simmons 1978-yil iyun oyidagi intervyularining birida. “Bu men sahnaga chiqishni va odamlar meni tanishini xohlaganim uchun edi. Sahna juda kichik bo‘lgani uchun ketishimga to‘g‘ri keldi. Qirq kishi yetarli emas edi, men 400 ming muxlisni xohlardim”.
Silvestr Stallone
18 yoshida “Rokki” teleserialining ssenariy muallifi hamda bosh qahramoni Shveysariya qizlar maktab-internatiga jismoniy tarbiya o‘qituvchisi va yotoqxona xafvsizlik xodimi sifatida ishga qabul qilindi. Ta’lim muassasasida ishlash unga aktyorlikka bo‘lgan muhabbatni topishga yordam berdi. Silvestr bu sevimli mashg‘ulotini jiddiy qabul qildi va hatto Mayami teatr universitetiga o‘qishga kirdi.
Sheril Krou
Foto: Harper’s Bazaar
O‘tgan asrning 80-yillarda bo‘lajak to‘qqiz karra “Gremmi” g‘olibasi butun hafta davomida musiqadan dars bergan va dam olish kunlari konsert taqdim etgan. Keyinchalik qo‘shiqchi o‘qituvchilik faoliyatini tashlab, o‘zini butunlay musiqaga bag‘ishladi.
Billi Kristal
Mashhur aktyorning hayotini tashkil etuvchi ko‘plab qiziqarli voqealar orasida Long-Bichda o‘qituvchi o‘rinbosari bo‘lib ishlagan davrni misol qilish mumkin. Bu “Oskar” mukofotiga to‘qqiz marta ishtirok etgan va “Kechki shou”da Jey Lenonning birinchi mehmoni bo‘lgan odam uchun ajoyib bir hikoya.
Stiven King
G‘ayritabiiy va dahshatli romanlari bilan tanilgan King 1971-yil kuzida o‘qituvchilikni tanlab, yozuvchilik faoliyatini tark etdi. Stiven Mendagi Xempden akademiyasida o‘rta maktab ingliz tili o‘qituvchisi edi. U o‘qitishni 1973-yilning bahorigacha davom ettirdi, o‘shanda “Kerri” romanining katta savdosi uni ishdan bo‘shashga va to‘liq yozishni boshlashga majbur qildi.
Xyu Jekman
Brodvey va Gollivudni zabt etishdan oldin Jekman 1987-yilda Buyuk Britaniyaning Uppinham School maktab-internatida yordamchi o‘qituvchi bo‘lib ishlagan. Aktyorning o‘zi aytganidek, u 18 yoshli avstraliyalik edi, britaniyalik bolalariga ingliz tilini o‘rgatgan va bu unga unchalik ham yoqmagan.
Liam Nison
O‘nlab yillar davomida Gollivud yulduzi bo‘lish Nisonga o‘qituvchi bo‘lish uchun sarflagan ikki yil bilan taqqoslaganda hech narsa emas. Nison o‘qituvchilikni “eng og‘ir ish” deb biladi.
Joan Rouling
Joanga “Garri Potter” g‘oyasi 1990-yilda Manchesterdan Kings-Krossga poyezdda ketayotganida paydo bo‘lgan. Keyingi besh yil davomida o‘zining muvaffaqiyatli kitoblar seriyasini tuzdi. Bu vaqt ichida u o‘z asarlarini yig‘di va ingliz tilini o‘rgatish uchun Portugaliyaning shimoliga ko‘chib o‘tdi. O‘sha yillarda u turmushga chiqdi, qizini dunyoga keltirdi, ajrashdi va Buyuk Britaniyaga qaytib, Edinburg maktablarida dars berdi. Lekin iloji boricha yozishga harakat qildi. O‘qituvchilik tanlovi yozuvchining omon qolishiga yordam bergan bo‘lsa, Garri Potter seriali ustida ishlashni davom ettirish oqilona qaror bo‘lgan.
Izoh (0)