Рим дербисидаги мағлубият, Яхшибоевнинг «Реал»га урган голи ва Украинага илк ташриф. Элдор Шомуродов иштирокидаги матбуот анжумани

«Рома» ҳужумчиси Элдор Шомуродов Конференциялар Лигаси 2-тури доирасида «Заря»га қарши кечадиган учрашув олдидан матбуот анжуманида иштирок этди.

«Лацио»га қарши Рим дербисидаги мағлубият ҳақида

Жуда қийин ўйин бўлди. Мағлуб бўлдик, лекин у ўйинни унутдик. Олдимизда ҳал қилинадиган вазифаларимиз бор. Ҳозир фақат «Заря»га қарши ўйин ҳақида ўйлаяпмиз.

«Заря»га қарши ўйин ҳақида

Ҳозир кучсиз жамоалар қолмаган. «Заря» ҳам ғалаба учун майдонга чиқади, биз ҳам. Ғалаба қозониш учун қўлимиздан келган барча ишни қиламиз.

Рим дербисидан кейинги таассуротлар ҳақида

Таассуротлар ажойиб. Бунгача бошқа дербилар бўлган, фақат уларга мухлислар кирмаганди. Бу — футбол. Унда ҳамма нарса бўлиши мумкин. «Лацио»га қарши ўйин ҳақида узоқ ўйламаймиз. Ҳа, барчамиз хафа бўлдик. Аммо энди бизни бошқа ўйин кутиб турибди.

Украинага илк бор келгани ҳақида

Аввал Украинада бўлмаганман. Биринчи бор келишим. Украина терма жамоаси, футболчилари кучли эканини биламан.

Жасур Яхшибоевнинг «Реал»га урган голига муносабати ҳақида

Голдан сўнг, албатта хурсанд бўлдим. Улар «Реал»ни мағлуб этди ва Жасур гол урди. Лекин мен ўзимни Ўзбекистондаги ягона юлдуз деб ҳисобламайман. Балки бу ердагилар билмас, лекин Ўзбекистонда яхши футболчилар жуда кўп.

«Рома»га тез мослашгани ҳақида

Бундан аввал «Женоа»да тўп сурганман ва «Рома»га мослашишим жуда осон кечди. Жамоадошларим ҳам мени қўллаб-қувватлади.

Элдор Шомуродов, «Рома» футболчиси