Жасур Яхшибоев тўп сурадиган Тирасполнинг «Шериф» жамоаси Чемпионлар Лигасининг гуруҳ босқичи 2-турида Мадриднинг «Реал» клубини сафарда мағлуб этди (2:1). Жамоа 1-турда «Шахтёр»ни 2:0 ҳисобида таслим этганди. Бу Молдова жамоаси учун ЕЧЛдаги дебют мавсум ҳисобланади. «Шериф» нафақат саралаш босқичи, балки гуруҳда ҳам кўзга кўринишни бошлади. «Шериф» қандай қилиб бу муваффақиятга эришди?

Фото: Getty Images

«Шериф» ҳолдинги — Днестрбўйидаги супермонополия. Бош банк, бензин қуйиш шохобчалари, дўконлар ва даромад келтирувчи барча бизнесларни бошқаради

1990 йиллар бошида СССРнинг парчаланиши фонида Молдова ССР (учта йирик шаҳардан иборат — Тираспол, Бендери ва Рибница) ўзини мустақил Днестрбўйида Молдова Республикаси деб эълон қилди. 1992 йилда қуролли низолардан сўнг Днестрбўйи Молдовадан ажралиб чиқди, лекин расмий Кишинёв буни тан олмади.

Шундан буён Днестрбўйидаги совуқ низолар давом этмоқда, янги ташкил этилган давлатни фақатгина учта мамлакат — Абхазия, Жанубий Осетия ва Тоғли Қорабоғ (бу давлатлар ҳам расман тан олинмаган) тан олди. Бу ерда 2017 йилдан буён Россиянинг байроғини давлатнинг иккинчи байроғи сифатида ишлатиб келинади, 4 йил олдин Республика ҳудудида 213 минг Россия фуқароси (умумий аҳолининг деярли ярми) истиқомат қилган. Шундай бўлса-да Россия Днестрбўйини давлат сифатида тан олмайди.

Фото: Getty Images

Днестрбўйининг 30 йиллик мустақиллиги даврида ноёб бизнес иқлими юзага келди: деярли бутун мамлакат «Шериф» хусусий компаниялар ҳолдинги назорати остида. 2020 йилда «Новоя газета» Республикадаги вазиятни шундай тасвирлаганди:

  • «Шериф» — Шарқий Европа учун ноёб супермонополия ҳисобланади. Ҳолдинг Днестрбўйидаги даромад келтирадиган барча бизнесларга эгалик қилади. Бензин қуйиш шохобчалари, супермаркетлар, банк, мамлакатдаги ягона алоқа оператори, ТВ-канал, нашриёт уйи, спорткомплекс ва албатта, «Шериф» футбол клуби — компаниянинг энг машҳур лойиҳаси.
  • «Шериф» ДМР (Днестрбўйи Молдова Республикаси) бюджетига солиқларнинг 50 фоиздан ортиқ киримини таъминлайди, республика иқтисодиётининг «оқ» қисмини 60 фоизини ва айтишларича, унинг таркибидаги яширин қисмининг 60 фоизини назорат қилади.
  • 2020 йил ноябрь ойида Днестрбўйида маҳаллий парламент учун сайлов бўлиб ўтди: 33 тадан 29 та ўринни «Шериф» томонидан молиялаштирилган «Янгиланиш» партияси депутатлари эгаллади, яна уч нафар сайланган депутат «Шериф» билан яқиндан ҳамкорлик қиладиган тадбиркорлар эди.

Блогер Иля Варламов Днестрбўйи ҳақидаги видеосида «Шериф» супермонополияси ҳақида инфографика тақдим этди. Унда компания эгалик қиладиган лойиҳалар келтирилади:

  • «Интерднестрком» телекоммуникация оператори
  • КВИНТ вино-коняк заводи
  • «Эркин танлов телеведениеси» телеканали
  • «Шериф» спорт комплекси ва шу номдаги футбол клуби
  • «Агропромбанк»
  • «Тиротекс» текстил фабрикаси

Фото: Yandex Photos

Шунингдек, 3 та улгуржи савдо дўкони, 2 та нефтбаза ва нефть омбори, 22 та супермаркет ва гипермаркет, 1 та капитал қурилиш бошқармаси, 17 та ёқилғи қуйиш шохобчаси, 2 та автомарказ («Mercedes», «Тиравто») «Шериф» ҳолдингига тегишли.

Фото: Yandex Photos

Бутун дунё ҳамжамияти томонидан тан олинмаган Республикани бошқарадиган монопол ҳолдингга тегишли клуб Чемпионлар Лигасида иштирок этмоқда.

Фото: Getty Images

Молдовада яқинда легионерлар учун чекловлар бекор қилинди. Бу «Шериф»га ёрдам берди: Тираспол жамоаси легионерлар билан ўйнаш ҳуқуқига эга бўлди.

2019 йилнинг сўнгида Молдова чемпионатида («Шериф» Молдова учун ўйнайди, Днестрбўйи учун эмас) легионерлар учун чеклов бекор қилинди. Энди майдонда 11 нафар легионер бир вақтнинг ўзида ўйнаши мумкин. Бу эса «Шериф» хўжайинларининг гўё «қўлидаги кишанни ечиб юборган»дек эди — «Шахтёр»га қарши гуруҳ босқичининг биринчи турида жамоа 11 нафар легионер билан майдонга тушди.

Агент Дмитрий Селюк айнан чекловнинг бекор қилиниши «Шериф»нинг муваффақият калити деб ҳисоблайди. «Бир йил аввал Молдова легионерларга қўйилган чекловни бекор қиди. Натижа нима бўлди? «Шериф» Сербия чемпиони ‘Црвена Звезда’ ва Хорватиянинг энг яхши жамоаси — ‘Динамо Загребъни мағлуб этди».

«Шериф» бош мураббийи Юрий Вернидуб ҳам худди шу фикрда: «Чеклов — унда зарар кўпроқ. Ватанпарвар бўлиш кераклигини уқтиришади. Лекин Украинада чеклов енгилроқ, бор-йўғи 4 украин майдонга тушса бўлди. Шунинг учун ‘Шахтёр’ ва ‘Динамў ЕЧЛда иштирок этади. ‘Шахтёр’ гуруҳдан ҳам чиққан. Жамоадаги бразилияликларга эътибор беринг, уларнинг нечтаси ‘Бавария’, ‘Манчестер Сити’ каби жамоаларга сотилган».

Фото: Getty Images

Ўзбекистонлик ҳужумчи Жасур Яхшибоев трансфер ойнасининг сўнгги кунида «Шериф» билан шартнома имзолади. «Легия» жамоаси футболчини бир мавсумга ижарага берди. Яхшибоев «Шериф» сафидаги дебют ўйинидаёқ гол урди ва голли узатма амалга оширди. Чемпионлар Лигасида «Шахтёр»га қарши ўйинда эса Жасур асосий таркибда майдонга тушди. 2-турда эса «Сантьяго Бернабеу»даги баҳсда «Реал» дарвозасини ишғол қилди ва бу натижа эришган Максим Шацкихдан кейинги тарихдаги иккинчи ўзбекистонлик бўлди.