SAP’нинг стратегик ҳамкори — LeverX Group мавжуд Makro ERP тизимини янгилади. Улар қаторидан бухгалтерия ҳисоби, сотувлар, логистика ва назорат операциялари учун такомиллаштирилган ва автоматлаштирилган ечимлар ўрин олган.
Makro тармоғи SAP ечимлардан 2015 йилдан бери фойдаланиб келади, аммо молиявий ҳисоботларнинг халқаро стандартларига (МҲХС) ўтиш учун бухгалтерия, сотувлар, логистика ва контроллинг (назорат) операциялари учун ечимларни охиригача ишлаб чиқиш ва автоматлаштириш талаб этилар эди.
SAP интегратор сифатида Makro SAP’нинг стратегик ҳамкори сифатида LeverX Group гуруҳини танлади. Компания маслаҳатчилари буюртмачилар билан аудит ўтказдилар ва жорий бизнес жараёнлардан қайсилари долзарблиги, қайсиларини эса қайта кўриб чиқиш ёки нолдан бошлаб созлаш кераклигини аниқладилар.
ERP тизимининг трансформацияси Makro компаниясига бухгалтерия ва солиқ ҳисобини қонунчилик талабларига мувофиқ шаффоф ва тўғри олиб боришни таъминлаш имконини берди. Шунингдек, Makro тармоқ ритейлери ҳатто ҳар бир таркибий бўлинмалари (дўконлари)гача, таҳлилий ҳисоботни харажатлар моддалари бўйича шакллантириш имкониятига эга бўлди. Бу харажатларни ўзгартириш бўйича тўғри бошқарув қарорларини қабул қилиш имконини беради.
Владимир Исмаилов, Makro молия ишлари бўйича директори:
«Бу йил бизнинг олдимизда МҲХС стандартлари бўйича молиявий ҳисобга олишга ўтиш вазифаси турар эди ва биз бу йўналишда зарурий экспертизага эга бўлган LeverX Group жамоаси туфайли буни муваффақиятли уддаладик. LeverX Group жамоаси билан ҳамкорликдаги ишлар натижаси Makro’га SAP ечимлари базасида молиявий ҳисоботларни МҲХС стандартлари бўйича тақдим этадиган, Ўзбекистондаги илк компаниялардан бирига айланишидан жуда хурсандмиз».
Али Каримов, Makro ERP тизимини ривожлантириш бўлими бошлиғи:
«Раҳбарият томонидан лойиҳани жорий этишнинг жуда қисқа муддатлари белгиланган эди. Пандемия сабабли LeverX Group жамоаси маслаҳатчиларининг onsite иш соатлари миқдори жуда кам бўлди. Дастлаб биз ярим йил ичида уни муваффақиятли ишга тушира олишимизга ишонмаган эдик, лекин амалга ошириш босқичида LeverX Group жамоаси томонидан таклиф этилган Agile мослашувчан услубиётидан фойдаланиш туфайли, биз лойиҳани раҳбарият белгилаган муддатларда ишга туширишга эришдик».
Владимир Карелий, LeverX Group’нинг консалтинг бўйича директори:
«LeverX Group жамоаси 18 йил давомида ўз мижозларига SAP ечимлар ёрдамида бизнеснинг рақамли трансформациясини амалга оширишга кўмаклашиб келади ва бугун бизнинг тажрибамиз, жамоа миқёси ҳар қандай мураккаб лойиҳаларни амалга ошириш имконини беради. Биз Makro компаниясининг МҲХС стандартлари бўйича бизнес жараёнлар трансформацияси лойиҳасини амалга оширишни бизга ишониб топширганидан хурсандмиз, у буюртмачига диққат-эътиборни стратегик вазифаларга қаратишга, бизнес жараёнларни такомиллаштиришга ва бозорда ўзининг рақобат устунлигини мустаҳкамлашга ёрдам беради».
LeverX Group — SAP базасида рақамли трансформация лойиҳаларини амалга оширишга ва SAP ечимларга инвестициялар киритишдан олинадиган даромадларни оширишга кўмаклашадиган халқаро IT-компанияси. Бугунги кунда бу ерда 1000 дан ортиқ мутахассислар ишлайди. LeverX офислари Беларусь, АҚШ, Ўзбекистон, Австрия, Польша, Украина, Россияда жойлашган.
LeverX Group мана 18 йилдирки, SAP SE немис компаниясининг ҳамкори ҳисобланади, SAP SE, KIA Motors, KAMAZ, BMW, UzAuto, Х5 Retail, Evraz, Nornickel, EvrazHolding, Magnit, RIMI Baltic, Maxima, Retal, PepsiCo каби йирик буюртмачилар ва бошқалар учун SAP ечимларини ишлаб чиқади ҳамда жорий этади.
Makro супермаркетлари тармоғи Ўзбекистон бозорида 2010 йилдан буён фаолият юритади. Ҳозирги вақтга келиб, у Ўзбекистондаги супермаркетларнинг энг йирик тармоғи. Унда бутун мамлакат бўйлаб 109 дан ортиқ супермаркет мавжуд. Макро дўконга одатдаги боришни мароқли гастрономик саёҳатга айлантиради: унинг пештахталарида ҳамма вақт янги нон ва пишириқлар, янги гўшт, парранда ва балиқ, мева-сабзавотлар мавжуд.
Супермаркетлар ассортименти, харидорларнинг нималарни афзал кўришини таҳлил қилиш натижалари асосида, мунтазам янгиланиб борилади, таклиф этиладиган товарларнинг сифати эса етказиб берувчидан харидоргача бўлган йўлнинг барча босқичларида назорат қилинади.
Реклама ҳуқуқи асосида.
Изоҳ (0)