Футбол бўйича Германия чемпионатининг 5-туридан ўрин олган ўйинда «Бавария» 18 сентябрь, шанба куни «Бохум» билан баҳс юритди.
Мюнхендаги баҳсда мезбонлар рақиб дарвозасига жавобсиз 7 та гол урди. 17-дақиқада Лерой Сане ҳисобни очди. Йозуа Киммих ва Серж Гнабри ҳам биринчи бўлимда ўз номига биттадан гол ёздириб қўйди. Бўлим сўнгида эса Василиос Ламбропулос ўз дарвозасига гол уриб, ҳисобнинг йириклашишига сабабчи бўлди.
Иккинчи 45 дақиқаликда Киммих дублни расмийлаштирди. Бундан ташқари, Роберт Левандовски ва Эрик Шупо-Мотинг ҳам биттадан голга муаллифлик қилди.
Ушбу ғалабадан кейин «Бавария» 13 очко билан 1-ўринга кўтарилиб олди. «Бохум» (3) эса 17-ўринда бормоқда.
«Боруссия М» сафарда 1:0 ҳисобида «Аугсбург»га енгилди.
Топ-5 лигалар онлайн жадваллари, ўйинлар тақвими, тўпурарлар рўйхати — кўриш.
Бундеслига
5-тур баҳслари
18 сентябрь, шанба
«Бавария» – «Бохум» 7:0
Голлар: 1:0 – 17 Сане, 2:0 – 27 Киммих, 3:0 – 32 Гнабри, 4:0 – 43, автогол Ламбропулос, 5:0 – 61 Левандовски, 6:0 – 65 Киммих, 7:0 – 79 Шупо-Мотинг.«Бавария» – Нойер, Станишич (Сарр, 62), Зюле, Эрнандес, Дэвис (Ричардс, 46), Горетцка, Киммих (Нянзу, 72), Мюллер, Левандовски (Шупо-Мотинг, 68), Гнабри, Сане (Забитцер, 62).
«Бохум» – Риманн, Стафилидис (Бокхорн, 58), Ламбропулос, Белла-Кочап, Данило Соарес, Теше, Лосилла, Режбечай (Левен, 57), Польтер (Ганвула, 57), Пантович (Антви-Ажей, 74), Ҳолтманн.
Огоҳлантиришлар: Стафилидис (35), Станишич (52).
Изоҳ (0)