Дунё бўйлаб 16 сентябрь куни олинган сара суратларни намойиш қиламиз.

Квебекдаги Сент Марк ресторанида сайловолди кампанияси тўхтаб турган пайтда чақалоқ билан саломлашаётган бош вазир Жастин Трюдо.

Фото: Reuters

Крикет ўйнаётган афғонлар. Янги ҳукумат Афғонистонда крикетга ҳеч қандай тақиқ қўймади (ҳозирча).

Фото: EPA

БАА валиаҳд шаҳзодаси Шайх Муҳаммад бин Зoид ал-Наҳаён Лондонга ташриф буюрди.

Фото: EPA

Тайванда яна ҳарбий машғулотлар давом этмоқда.

Фото: EPA

Гонконгда полиция реклама қилинмоқда. Бундай рекламани ҳар доим ҳам кўравермайсиз.

Фото: EPA

16 сентябрда Россияда Давлат думасига сайловда муддатидан олдин овоз бериш якунланди. Сайлов комиссияси аъзолари вертолётлар, қайиқлар ва йўлтанламас машиналар билан мамлакатнинг энг чекка ҳудудларига «саёҳат қилди».

Фото: «ТАСС»

Бир йил олдин вафот этган рассом Христо Явашевнинг орзуси рўёбга чиқди ва энди Париждаги «Ғалаба аркаси» матога ўралди. Америкалик рассом ҳаёти давомида Рейхстагни ва бир нечта майда биноларни шу тарзда матога ўрашга муваффақ бўлган.

Фото: EPA

Вашингтондаги Миллий савдо марказида АҚШдаги COVID-19 қурбонларига бағишланган 600 мингга яқин оқ байроқлардан ташкил топган оммавий бадиий инсталляция.

Фото: «ТАСС»

Мадридда мода ҳафталиги ўтказилмоқда.

Фото: EPA

Мексика мустақиллигининг 200 йиллиги учун ёритилган ҳукумат биноси.

Фото: AFP

Шимолий Кореяда темир йўл ракета полкининг ўқ отиш амалиёти.

Фото: Getty Images

Амстердамда Maison Amsterdam кўргазмаси очилишига тайёргарлик кўрилмоқда. Кўргазма давомида тарихий ва замонавий либослар намойиш этилади.

Фото: EPA

Германиянинг Кёльн шаҳрида янги битирган полиция курсантлари Ланхесс Аренада қасамёд қабул қилиш маросимида қатнашмоқда.

Фото: Getty Images

Жакартадаги кинотеатрда томошабин фильм бошланишини кутмоқда. Шаҳардаги барча кинотеатрлар 16 сентябрдан бошлаб очилишга рухсат берилди.

Фото: EPA

Ғарбий Лондоннинг Ричмонд шаҳридаги «Кью» қироллик ботаника боғида дунёдаги энг катта сув нилуфарлари турига мансуб амазонка викториясини парвариш қилаётган ботаник Альберто Тринко.

Фото: PА

SpaceX Флоридада Falcon 9 ракетасида асли астронавт бўлмаган одамлардан ташкил топган экипаж билан Crew Dragon капсуласини учирди.

Фото: AP Photo

Коронавирус туфайли ёпилган мактаб ўқувчиси онлайн дарслар вақтида микроскопдан фойдаланмоқда.

Фото: Reuters

Ғазо шаҳридаги БМТнинг Яқин шарқдаги фаластинлик қочқинларга ёрдам бериш агентлиги маркази ойнаси ёнида турган фаластинлик аёл ва унинг боласи.

Фото: AFP

Туркиядаги Искендерун кўрфазига чақмоқ тушди.

Фото: Getty Images

Индонезия аҳолиси Чиливунг дарёсини чиқиндидан тозалашга қарор қилди.

Фото: EPA

Аввалги кунларнинг фотогалереялар: