Дунё ва ўзбек спортига оид 16 сентябрь кунининг энг муҳим хабарлари дайжести билан танишинг.
Ўзбекистон
ЎФА президент ва вице-президентликка номзодлар рўйхатини эълон қилди25 сентябрь куни МОҚ анжуманлар залида ЎФАнинг навбатдаги Ҳисобот-сайлов Конгресси бўлиб ўтади. Ташкилот раҳбарлигига номзодлар рўйхати эълон қилинди.
ЎФА президентлиги ва вице-президентлиги лавозимига фақат бир нафардан номзод кўрсатилган. Қуйидаги номзодлар рўйхати билан танишинг:
ЎФА президенти лавозимига:
- Абдусалом Азизов
- Равшан Эрматов
- Азизбек Икромов
- Жаҳонгир Усмонов
- Меҳриддин Абдуллаев
- Раҳмиддин Зикриёев
- Шоакром Исроилов
- Дилшод Каримов
- Эдита Миробидова
- Абдужаббор Абдувоҳидов
- Тўлаган Исоқов
Ўзбекистон теннис терма жамоаси 17 сентябрь куни Норвегиянинг Осло шаҳрида Дэвис Кубоги доирасида баҳсларга киришади. Норвегияга Фаррух Дўстов, Денис Истомин, Ҳумоюн Султонов, Санжар Файзиев, Сергей Фомин ва Максим Шин каби ўзбекистонлик спортчилар йўл олган. Ўзбекистон ушбу баҳсда ғолиб чиқадиган бўлса мусобақанинг 1-гуруҳ баҳсларига йўлланма олади.
Жаҳон
Европа Чемпионлар Лигасининг 1-туридан ўрин олган ўйинлар 14—15 сентябрь кунлари бўлиб ўтди. УЕФА тур якунлари бўйича ҳафтанинг энг яхши ўйинчиси номига даъвогарлар рўйхатини ва тур рамзий терма жамоасини эълон қилди.- Жуд Беллингҳем («Боруссия Д») — «Бешиктош»га қарши ўйинда (2:1) гол ва ассист;
- Себастьян Аллер («Аякс») — «Спортинг»га қарши баҳсда (5:1) 4 та гол;
- Кристофер Нкунку («Лейпциг») — «Манчестер Сити» билан учрашувда (3:6) ҳет-трик;
- Роберт Левандовски («Бавария») — «Барселона»га қарши беллашувда (3:0) дубль.
Тур рамзий (фентези) терма жамоаси
Дарвозабон: Майк Меньян («Милан»);
Ҳимоячилар: Алекс Сандро («Ювентус»), Кристиано («Шериф»), Николас Отаменди («Бенфика»), Жоау Канселу («Манчестер Сити»);
Ярим ҳимоячилар: Кристофер Нкунку («Лейпциг»), Жордан Ҳендерсон («Ливерпуль»), Жуд Беллингҳем («Боруссия Д»);
Ҳужумчилар: Себастьян Аллер, Антони (иккиси – «Аякс»), Роберт Левандовски («Бавария»).
36 ёшли футболчи «Манчестер Юнайтед»га қайтганидан кейин унга 6 миллион фунтлик кошона тақдим этилганди. Бироқ Роналду ва унинг оиласи бир ҳафтадан кейин у ердан кўчишга қарор қилди. Уй табиати чиройли ва яшил ҳудудда жойлашгани билан атрофда қўйлар сақланадиган жой бор. Қўйларнинг эрталабки шовқини дам олиш режимига қатъий амал қиладиган Роналдуга ёқмаган. Шу сабаб футболчи бошқа хонадон топиб берилган.
Криштианунинг янги уйи Чеширда жойлашган. Унда бассейн, кинозал ва тўртта автомобилга мўлжалланган гараж бор. Роналду «Манчестер Юнайтед»даги дастлабки фаолиятида шу туманда яшаганди.
Golden Boy—2021 совринига даъвогарлар топ-40 лигини эълон қилинди
Туттоспорт нашри йилнинг энг яхши ёш ўйинчисига топшириладиган совринга номзодлар рўйхатини эълон қилди.
Ундан бир қатор номдор футболчилар жой олди: Жуд Беллингҳем, Жованни Рейна (иккиси – «Боруссия Д»), Мирон Боадю («Монако»), Эдуардо Камавинга («Реал»), Шарл де Кетеларе («Брюгге»), Эрик Гарсия («Барселона»), Райан Гравенберх («Аякс»), Мэйсон Гринвуд («Ман Юнайтед»), Илайш Мориба, Ёшко Гвардиол (иккиси – «Лейпциг»), Габриэль Мартинелли («Арсенал»), Жамал Мусиала («Бавария»), Нуну Мендеш («ПСЖ»), Педри («Барселона»), Букайо Сака («Арсенал»), Флориан Вирц («Байер»).
Ғолиб номи ноябрь ойида эълон қилинади. Ўтган йили Эрлинг Ҳоланд ғолиб бўлганди.
«Бавария» Горетцкани олиб қолишни уддалади
Мюнхенликлар ярим ҳимоячи Леон Горетцка билан амалдаги шартномани 2026 йилнинг ёзига қадар узайтирди. Германиялик футболчининг ҳозирги келишуви 2022 йил ёзигача мўлжалланганди.
Аввалроқ Горетцкани кейинги йили текинга қўлга киритиш учун «Реал» ва «Манчестер Юнайтед» каби жамоалар кураш олиб бораётгани хабар қилинганди.
«ПСЖ» машҳур триоси бирга майдонга тушди, Мбаппе жароҳат олди
Чемпионлар Лигаси доирасида кечган «Брюгге»га қарши ўйинда парижликлар ҳужум учлиги — Неймар-Месси-Мбаппе асосий таркибда майдонга тушди. Бироқ футболчиларнинг биргаликдаги дастлабки ўйини муваффақиятли чиқмади. Учрашувда 1:1 ҳисоби қайд этилди. Бундан ташқари иккинчи бўлим дебютида Килиан болдир суяги билан товон суягани бириктирувчи бўғинини шикастлаб олди. Ҳозирча жароҳатнинг қай даражада жиддий экани номаълум.
Изоҳ (0)