Одатда аёллар харид чоғида тональ кремининг ранги, сифати, зичлигини синчковлик билан текширади, лекин маҳсулотдан фойдаланганда у умуман бошқача бўлиб чиқади. Нега бундай эканини қуйида аниқлаймиз.
Таниш ҳолат, тональ кремни сотиб олаётганда, аксарият аёллар уни қўл қисмига суртади. Албатта, бу жараён танловга тўғри келмайди. Чунки қўл ва юз териси орасида катта фарқ бор. Ҳам ранг, ҳам тери жиҳатидан. Шунинг учун иложи борича танлов вақтида кремни юзга суриш тавсия этилади.
Макияж устидан тональ кремини синаб кўриш
Тональ кремини синаб кўришда макияж устидан суртиш ҳам нотўғри ёндашув. Чунки крем ушбу ҳолатда мос келса-да, тоза юзда бошқа рангни акс эттиради.
Тональ кремини сояда танлаш
Янги крем хариди асосан, кундузи ва салқин дўконда амалга оширилади. Аммо ташқарида қуёш нурида қандай кўриниши эса синаб кўрилмайди. Шунинг учун турли рангдаги тоналларни қуёш нурида қандай кўринишини синаб кўриш керак.
Тўқ рангдаги тональ кремидан фойдаланиш
Қандай рангдаги тональ креми юзга мос келаётганини аниқлаш қийин бўлганда, сотувчилар нисбатан тўқ рангдагисини тавсия этади. Қарор қилишга шошмаслик зарур, чунки тўқ рангдаги тональ креми худди юзга доғ тушган каби кўринишни ҳосил қилиши мумкин.
Терига қандай ёйилишини синамаслик
Тональ креми шунчалар синчковлик билан текширилса-да, унинг терига қандай ёйилиши аҳамиятсиздек. Аслида бу энг муҳим жиҳат ҳисобланади. Мукаммал макияжни асосан тональ креми юзга қай даражада сингиб кетгани ташкил қилади.
Тональ кремини тунда сотиб олиш
Тери кун давомида чарчайди, терлайди. Тешиклари чангга тўлади, қизаради. Шундай вақтда тональ крем харид қилиш ҳам яхши фикр эмас. Яхшиси, харидни тонгда амалга ошириш тавсия этилади. Чунки тунда тозаланган, етарлича дам олган тери бошқача кўринишда бўлади.
Ўта қуюқ тональ креми
Ёдда тутиш керакки, тональ креми юзга сурилади. Юз териси қанчалар нафис экани эса барчага маълум. Шунинг учун ундаги нуқсонларни яширишда ҳам ўртача суюқликдаги тональ кремидан фойдаланган маъқул.
Изоҳ (0)