Ёзнинг жазирама кунларидан кейин тери қандай муолажаларга муҳтож экани ҳақида маълумот бериб ўтамиз.
Терини намлантириш
Иссиқ ва қуруқ ҳавода тери тонусини йўқотади, юпқалашади, қуруқ ҳамда сўлғин бўлиб қолади. Аммо загар ортида буни пайқаш имконсиз бўлади, куз келиши билан эса муаммолар кўзга ташлана бошлайди. Шу сабаб ҳам сентябрь келиши билан амалга ошириш керак бўлган илк муолажа терини яхшилаб намлантиришдир. Бу вазиятда энг яхшиси косметологик инъекциядан фойдаланиш. Муолажа вақтида терига тиниқлик ҳамда ялтирашни қайтарадиган таркибида витамин, минераллар, кислоталар ва пептид комплекслар юборилади.
Масалан, биоревитализация ва коллогенотерапия ҳужайралар тузилишини тиклайди, моддалар алмашинувини меъёрлаштириб, терига тарангликни қайтаради. Ажинларни текислаб, намлантиради ва пораларни қисқартиради. Мезотерапия эса ҳужайралар янгиланишини рағбатлантириб, коллаген ишлан чиқарилишини таъминлайди. Муолажа ёрдамида тери сезиларли даражада мустаҳкамланиб, контур яққол кўзга ташланади. Гўзаллик уколлари, шунингдек, терини яқинлашиб келаётган совуқ ҳароратга тайёрловчи манбалар билан тўлдиради.
Терини янгилаш муолажаси
Ёзги қуёш нурлари билан боғлиқ қизаришлар кетишни бошлаши билан юзда сепкил ва доғлар кўзга ташлана бошлайди. Бундай вазиятда терига шикаст еткизмайдиган, номига бажариладиган пилинг муолажасидан фойдаланиш муҳим саналади. Жараёндан кейин регенерация жадаллашади, эластин ва коллаген ишлаб чиқарилиши рағбатлантирилади ҳамда ҳужайраларнинг яшаришига ҳисса қўшади. Натижада яққол кўзга ташланадиган лифтинг-самара кузатилади. Муолажадан кейин тери янгиланиб, соғлом ва тиниқ рангда бўлади.
Яллиғланишни бартараф қилиш муолажаси
Ультрабинафша нурларининг фаол таъсири теридаги иммунитетни туширади. Қолаверса, иссиқ ҳарорат ҳуснбузар тошишига олиб келадиган ёғлар ишлаб чиқарилишини жадаллаштиради. Айнан шу сабаб ҳам косметологлар кузни ҳуснбузар тошиши кўпаядиган давр деб ҳисоблайди. Кислотали пилинг ушбу муаммо бартараф қилишга ёрдам беради. Дағал тери қатламини йўқ қилиб, ҳужайралардаги регенерация жараёнини ишга туширади ҳамда коллаген ишлаб чиқарилишини яхшилайди. Муолажадан кейин дерма қатламининг тери эластиклиги ва таранглиги ортади, соғлом ва гўзал кўринишга эга бўлади. Шунингдек, тошма ва ҳуснбузарлар билан курашиш учун яллиғланишга қарши самара берадиган коктейллар юбориш орқали амалга ошириладиган инъекциялар ҳам яхши самара беради. Аммо ушбу даволаш ишларини амалга ошириш учун дастлаб дерматолог-шифокор гормон ва бошқа муҳим омилларни текшириши керак бўлади.
Терини тиклаш муолажаси
Қуёш нурларининг салбий таъсиридан кейин аппаратли косметология муолажалари бирикмаси самарали натижа беради. Бу юзни тозалашнинг турли усуллари, яшартириш муолажалари, RF-лифтинг бўлиши мумкин. Узоқ вақтлик таъсирга эга экани сабаб тери аҳволи дарҳақиқат яхшиланади. Аммо терини тиклашга қаратилган барча муолажалар бир неча марта такрорланиши лозим. Чунки уч ойда орттирилган муаммони 30 дақиқада бартараф қилиш имконсиз. Косметолог кўрсатмасига биноан уй шароитида амалга ошириладиган парваришга алоҳида эътибор қаратинг. Салондаги муолажалар яхши, албатта, аммо ижобий натижа нафақат мутахассис, балки мижознинг уйда амалга оширадиган парвариши ва озиқлантиришига боғлиқ бўлади.
Изоҳ (0)