Тарамаслик, таранг қилиб йиғмаслик ва соч ҳўллигида амалга ошириш тавсия қилинмайдиган бошқа одатлар

Сочнинг гўзаллигини самарали сақлаб қолиш учун ҳамиша сочлар намлигида заиф бўлишини ёдда тутиш муҳим. Шикастламаслик учун нималар қилмаслик кераклиги ҳақида маълумот бериб ўтамиз.

Сочларингизни узоқ вақт ҳўл қолмасин

Нам сочлар билан қанча кўп юрилса, улар шунча заифлашади. Бу мутахассислар томонидан сочларнинг гидрочарчаши деб аталади. Аммо бунинг олдини олиш ортиқча қийинчилик туғдирмайди. Сочларни ўзи қуришини кутмай, сочиқ билан яхшилаб қуритинг. Шунингдек, мутахассислар уйқуга ҳўл соч билан ётмасликни тавсия қилади. Эрталаб уйғонганда нам сочларингиз ёстиққа тўкилганини кўришингиз мумкин. Қолаверса, эрталаб сочларни кўнгилдагидек турмаклашни уддасидан чиқиш ҳам мушкул. Бугунги кунда дўкон ва салонларда ювиш ва ундан кейинги вақтда сочларни ҳимоялашга ёрдам берадиган спрей, кондиционер ва бошқа воситаларни топиш муаммо эмас. Шундай экан ҳеч иккиланмай улардан фойдаланинг.

Сочларни илдизидан учигача тараманг

Ювиш вақтида сочлар чигал бўлиб қолса, дарҳол тароқдан фойдаланишга ошиқманг — аввалига бармоқлар билан силлиқлашга ҳаракат қилинг. Бу билан сиз шикастланиш хавфини камайтиришга муваффақ бўласиз. Иложи борича тишлари катта тароқ ишлатинг ва тарашни сочларнинг учидан бошлаб, илдизи томон йўналтиринг. Вақтни тежаш учун эса сочларни ҳўл бўлишидан аввал катта тишли тароқ билан тартибга келтириш айни муддао.

Нам сочларни тепадан қилиб йиғиб олманг

Ҳўл бўлганда сочлар сезиларли даражада чўзилади. Тепадан таранг қилиб йиғиш эса зўриқишга сабаб бўлади. Бу қайта-қайта такрорланганда эса сочлар мўрт ва носоғлом бўлиб қолади. Шуни эсдан чиқармаган ҳолда сочларни йиғишдан аввал яхшилаб қуритинг. Айниқса, заколканинг қандай матодан тикилганига алоҳида эътибор беринг. Юмшоқ пластик ёки мато энг яхши вариант ҳисобланади.

Сочларингиз ҳўл вақтида плойка, дазмол ва бошқа воситалардан фойдаланманг

Сочларни турмаклаш учун мўлжалланган қурилмалар 100 ёки ундан ортиқ даражада қизиши мумкин бўлган сирт билан қопланади. Улардан сочлар нам вақти фойдаланиш эса толаларнинг шикастланишига сабаб бўлади.

Таркибида ёғ бўлган иссиқликдан ҳимояловчи воситалардан фойдаланишда эҳтиёт бўлинг

Бундай воситалардан фойдаланиш сочлар билан боғлиқ муаммолар юзага келади. Гап шундаки, баъзи ёғлар кам ёнувчи хусусиятга эга бўлади. Қиздирилганда қўшимча таранглашиш, таралганда эса қийинчилик келтириб чиқаради. Қуритилганда бундай воситаларни ювилмайдиган кондиционерлар билан бирга ишлатган яхши. Бунда тараш осон бўлади ва сочлар шикастланмайди.