Бритни Спирснинг адвокати хонанданинг отаси Жейми Спирс васийликдан воз кеч кечиш учун қизидан 2 миллион доллар талаб қилаётганини маълум қилди.
Таъкидланишича, Жейми бу билан судга сарфланган харажатларини қопламоқчи. Аввалроқ эркак қизига васийлик қилишдан воз кечишга тайёрлигини маълум қилган. У бундай қарор қабул қилиш учун ҳеч қандай асос йўқлиги — аммо ўз фарзанди билан ошкора низога боришни истамаслигини қўшимча қилган. Аммо ҳаммаси бошқачароқ бўлиб чиққан. Спирснинг адвокатининг сўзларига ишонилса, сўралган сумма Жеймига адвокатларга сарфланган маблағ (1,3 миллион доллар)ни қоплаш, Бритнининг собиқ менежерлари хизмат ҳақлари (500 доллар)ни ҳамда шахсий харажатларни тўлаш учун керак.
Эслатиб ўтамиз, Бритни Спирс ва унинг отаси ўртасидаги суд жараёнлари бир неча йилдан буён давом этиб келади. Қўшиқчи 2008 йил руҳий касалхонага тушганидан буён отасининг васийлигидан қутулишга уринади. Айни вақтда Жейми қизининг шахсий муносабатларидан тортиб молиявий аҳволигача бўлган ҳаётининг барча жабҳаларини назорат қилади. Бритни судда кишини ҳайратга соладиган бир қатор кўрсатма берган. Қайд қилинишича, унга ўз маблағига эгалик қилиш, хоҳишига қараб пул сарфлаш тақиқланган, у бир неча марта оғир меҳнат қилишга мажбурланган. Қўшимча қилинишича, отаси қизининг фарзандли бўлишига ҳам қаршилик қилади.
Изоҳ (0)