Britni Spirsning advokati xonandaning otasi Jeymi Spirs vasiylikdan voz kech kechish uchun qizidan 2 million dollar talab qilayotganini ma’lum qildi.
Ta’kidlanishicha, Jeymi bu bilan sudga sarflangan xarajatlarini qoplamoqchi. Avvalroq erkak qiziga vasiylik qilishdan voz kechishga tayyorligini ma’lum qilgan. U bunday qaror qabul qilish uchun hech qanday asos yo‘qligi — ammo o‘z farzandi bilan oshkora nizoga borishni istamasligini qo‘shimcha qilgan. Ammo hammasi boshqacharoq bo‘lib chiqqan. Spirsning advokatining so‘zlariga ishonilsa, so‘ralgan summa Jeymiga advokatlarga sarflangan mablag‘ (1,3 million dollar)ni qoplash, Britnining sobiq menejerlari xizmat haqlari (500 dollar)ni hamda shaxsiy xarajatlarni to‘lash uchun kerak.
Eslatib o‘tamiz, Britni Spirs va uning otasi o‘rtasidagi sud jarayonlari bir necha yildan buyon davom etib keladi. Qo‘shiqchi 2008-yil ruhiy kasalxonaga tushganidan buyon otasining vasiyligidan qutulishga urinadi. Ayni vaqtda Jeymi qizining shaxsiy munosabatlaridan tortib moliyaviy ahvoligacha bo‘lgan hayotining barcha jabhalarini nazorat qiladi. Britni sudda kishini hayratga soladigan bir qator ko‘rsatma bergan. Qayd qilinishicha, unga o‘z mablag‘iga egalik qilish, xohishiga qarab pul sarflash taqiqlangan, u bir necha marta og‘ir mehnat qilishga majburlangan. Qo‘shimcha qilinishicha, otasi qizining farzandli bo‘lishiga ham qarshilik qiladi.
Izoh (0)