Афтидан, шаҳзода Уильям ва Кейт Миддлтон кўчишни режалаштирмоқда. Қироллик оиласига яқин манбаларга кўра, Кембриж герцоги ва герцогиняси қироличага яқин жойда яшашни хоҳлайди.
Улар аллақачон Виндзорда ўзлари ва уларнинг уч фарзанди шаҳзода Жорж, Луи ва малика Шарлоттага мос келадиган мулкларни қидирмоқда. Бу Уильям ва Кейтнинг жиддий масъулиятни ўз зиммасига олишга тайёргарлик кўраётганидан далолат бериши мумкин.
Бу ҳаракатдан кейин жуфтликнинг аҳволи қанчалик ўзгариши ҳозирча номаълум. Улар шаҳзода Гарри ва Меган Маркл АҚШга кўчиб, қироллик лавозимидан истеъфога чиққач, ўз зиммаларига олган баъзи мажбуриятларни амалга оширишга тайёрланмоқда, деган тахминлар бор. Ҳозирча Кейт ва Уильям иккита уйда яшамоқда. Улар навбат билан офислари жойлашган Кенсингтондаги қароргоҳи ва Елизавета II тўйга совға сифатида тақдим этган Норфолкдаги уйига кўчиб ўтади. Агар эр-хотин Виндзорга кўчиб ўтса, нафақат олий қиролича, балки Баклберрида уйи бўлган Кейтнинг ота-онасига ҳам яқинроқ яшайди.
Изоҳ (0)