Татаристон Республикасининг Қозон шаҳрида 2021 йил 31 августдан 2 сентябрга қадар, «Kazan Expo» халқаро кўргазма марказида бўлиб ўтадиган Россия нефть ва газ саноатининг энг йирик халқаро тадбирларидан бири — Татаристон нефть ва газ-кимё форуми ўз ишини давом эттиради.
Тадбир Татаристон президенти Рустам Миннихановнинг ташаббуси ва иштирокида Татаристон Республикаси Саноат ва савдо вазирлиги, Татаристон Республикаси Экология ва табиий ресурслар вазирлиги, Давлат бошқаруви, Рақамли ривожланиш вазирлиги, Татаристон Республикаси Ахборот технологиялари ва коммуникациялари вазирлиги, Татаристон Республикаси қурилиш, архитектура ва уй-жой коммунал хўжалиги, Татаристон Республикаси транспорт ва йўллар вазирлиги, «Татнефтехиминвест-холдинг» ОАЖ, Татаристон Республикаси Фанлар академияси давлат илмий бюджет муассасаси, «Казанская Ярмарка» ОАЖ ва «Казань Экспо» нотижорат ташкилоти томонидан ташкиллаштирилди.
Йирик бизнес дастур ва халқаро TatOilExpo кўргазмаси режалаштирилган ушбу кўргазмада бошқарув раиси Меҳриддин Абдуллаев бошчилигидаги «Ўзбекнефтгаз» АЖ ходимлари ҳам иштирок этмоқда.
Россия ва Марказий Осиё нефть-газ саноати етакчи мутахассисларининг экспозицияларини бирлаштирган ушбу халқаро кўргазмада газ ва нефть ускуналари ишлаб чиқарувчилари, етказиб берувчилари, нефть корпорациялари ва холдинглари, нефть ва газни қазиб олиш, қайта ишлаш корхоналари, нефтга хизмат кўрсатиш ҳамда қидирув компаниялар қатнашмоқда.
«Ўзбекнефтгаз» АЖ, Иннополис университети нефть ва газ технологиялари маркази, Сколковский фан ва техника институти, Идея инновацион ва ишлаб чиқариш технопарки, «XK Kama-Traks» МЧЖ, «ПК Полигран» МЧЖ, «Торгово» МЧЖ, МТЗ-Татаристон ишлаб чиқариш компанияси, «Синергия Технология» МЧЖ, Татаристон Республикаси Фармедполис тиббий саноат парки, «Казанский завод синтетического каучука» АЖ, «Эко-транс» МЧЖ, «Treyd Injiniring» МЧЖ, Промтех машинасозлик кластери, YEIZ Innopolis, «Завод Сокол» МЧЖ, Куйбишевская темир йўли, «Россия темир йўллари» АЖ филиали, «Қудуқларни ишлатишнинг янги технологиялари» МЧЖ НПО ва шу каби бошқа компаниялар ўзларининг ишлаб чиқариш имкониятларини намойиш этмоқда.
Ушбу тадбирга ташриф буюрган Татаристон президенти Рустам Минниханов Ўзбекистон томонининг кўргазмалари билан танишиб чиқди ва ўз навбатида «Ўзбекнефтгаз» АЖ бошқаруви раиси билан нефть-газ соҳасида суҳбатлашди.
Ушбу форум давомида Россиянинг ёқилғи-энергетика комплексининг ривожланишининг муҳокама қилиниши баробарида, суюқлик ва газлар оқими тезлиги, унинг миқдорини ўлчашни метрологик қўллаб-қувватлаш, саноат экологияси, геодезия ҳамда геоинформацион тизимларнинг долзарб масалалари кўриб чиқилмоқда.
Таъкидлаш керакки, 1 сентябрь куни бизнес дастур доирасида Creon Conferences томонидан «Казань Экспо» нотижорат ташкилоти билан ҳамкорликда ташкил этилган «Полеолефинлар—2021» XVIII халқаро конференцияси бўлиб ўтади.
Эслатиб ўтамиз, тадбир давомида Россия полиолефин бозори қандай ривожланиши ҳақида муҳокамалар ўтказилади.
Конференциянинг асосий мавзулари
- Жаҳон ва ички полиолефин бозорларининг аналитик таҳлилий шарҳи;
- Нархлар ўйнаши, бозор нархларини ушлаб туришнинг мумкин бўлган механизмлари;
- Россия Федерацияси ва МДҲ давлатлари ҳудудида янги лойиҳаларни кўриб чиқиш;
- Полиэтилен ва полипропиленни иккиламчи қайта ишлаш;
- Полиолефинлар бозорини қайта йўналтириш: истиқболли истеъмол сегментлари.
Изоҳ (0)