Англияда балиқчи қуш супермаркетга ўғриликка тушди. Бу икки ой ичида амалга оширилган камида иккинчи ҳолат

Англиянинг Девон графлигидаги Пейнтон шаҳрида балиқчи қуш (чайка) ўғрилик содир этаётганида қўлга тушди, деб хабар беради Meduza.

Балиқчи қуш тез ва аниқ, бироқ эҳтиётсизлик билан ҳаракат қилган, шу сабабли у камераси бор гувоҳлар эътиборига тушиб қолган.

Умуман олганда, қуш маҳаллий супермаркетни ўмаришга уринган. У атрофда ҳеч ким қолмагунча кутган, дўконга кирган, пештахтада ётган чипслар қутисини олиб, бинони тарк этган. Ҳатто эшикдан киришдаги датчиклар ҳам ишламаган.

Таъкидланишича, ушбу қуш супермаркетларга биринчи бор ўғриликка тушиши эмас. Унинг ҳатто ўзига хос криминал услуби ҳам шаклланган: тез кириш, чипсларни олиш ва узоқроққа қочиб кетиш. Бу каби ҳолат сўнгги бор шу йилнинг июнида содир бўлган.

«Полиция ҳамон жиноятчини тўхтатмаган — Пейнтондаги чипслар ва кичик бизнес ҳамон хавф остида», — дейилади хабарда.