Тошкентдаги Мустақиллик шоҳкўчасининг бир қисми ичимлик суви қувуридаги носозлик сабаб вақтинчалик ёпилди. Бу ҳақда пойтахт ҳокимлиги матбуот хизмати хабар берди.
Қайд этилишича, ичимлик суви қувурида юзага келган носозлик туфайли мазкур кўчанинг Абдулла Қодирий ва Оққўрғон кўчалари оралиғидаги йўлнинг бир томони 23 август соат 06:00 қадар вақтинча ёпилди.
Шунингдек, Мирзо Улуғбек тумани Асака ва Дархон кўчаларидаги улгуржи ва чакана истеъмолчилар 23 август соат 07:00 га қадар ичимлик суви тармоғидан узилади.
«Ҳайдовчилардан айланма йўллардан фойдаланишларини ва юзага келган ноқулайлик учун узр сўраймиз», — дейилади ҳокимлик хабарида.
Изоҳ (0)