Бугун,

  • USD 11095.31
  • RUB 173.84
  • EUR 10772.44

Facebook’нинг Афғонистондаги фойдаланувчилари учун дўстлар рўйхатини кўриш имконияти вақтинча ўчирилди. Бу ҳақда ижтимоий тармоқнинг киберхавфсизлик сиёсати раҳбари Натаниэл Глейхер маълум қилди.

Фото: AP Photo

Фото: AP Photo

«Биз одамларни таъқиблардан ҳимоя қилиш мақсадида Facebook’нинг Афғонистондаги фойдаланувчилари учун дўстлар рўйхатини кўриш ва уларни қидириш имкониятини вақтинча ўчириб қўйдик», — деб ёзади Глейхер Twitter’да.

Ижтимоий тармоқ вакилининг сўзларига кўра, ушбу янгилик Facebook жамоасининг «Толибон» қўлига ўтган Афғонистон давлатидаги абонентларнинг шахсий маълумотлари хавфсизлигини яхшилаш бўйича олиб борган бир ҳафталик меҳнати натижасидир.

Шунингдек, Афғонистондаги фойдаланувчилар Facebook’даги ўз саҳифаларини бир амал билан блоклай олади. Бундай аккаунт билан дўст бўлмаган аккаунтлар унинг профилидаги расмларни юклай ҳам олмайди, улаша ҳам олмайди, шунингдек, постларни кўра олмайди.

«Агар сиз Афғонистондан ташқарида бўлсангиз, лекин бу мамлакатда дўстларингиз бор бўлса, сиз ўзингиздаги кўриш созламаларини кучайтириш орқали уларни ҳимоя қилишга ёрдам бера оласиз», — деб қўшимча қилди Глейхер.

Аввалроқ The New York Times «Толибон» ҳаракати жангарилари НАТО ва АҚШ ҳарбийларига ёрдам берган Афғонистон аҳолисини қидиришни кучайтиргани ҳақида хабар берганди. Таъкидланишича, «Толибон»да америкаликлар билан ҳамкорлик қилганларнинг рўйхати ва манзиллари бор. «Толибон» уларни «сўроқ қилиб, жазоламоқчи». Жангарилар ушбу манзилларга бориб, агар ўз ихтиёри билан таслим бўлмаса, қидирувдагиларнинг қариндошларини ҳибсга олиш ва ўлдириш билан таҳдид қилмоқда.

Изоҳ
Асосий янгиликлар
Маҳаллий
Бухорода Nexia-2 ариққа тушиб кетди (видео)
Иқтисодиёт
Ўзбекистонда қанча табиий монополия борлиги маълум қилинди 
Маҳаллий
Соғлиқни сақлаш вазирининг телефон рақамига кунига 500 дан ортиқ мурожаат келиб тушаётгани маълум қилинди