Sankt-Peterburgda 27 yoshli rossiyalikka tegishli Hyundai Solaris avtomobilini minib qochgan O‘zbekiston fuqarosi avariyaga uchradi. Bu haqda viloyat IIV bosh boshqarmasi matbuot xizmatiga tayanib, “Fontanka” xabar berdi.
Ma’lum qilinishicha, 24 yoshli O‘zbekiston fuqarosi peterburglik fuqaroning Hyundai Solaris avtomobilini minib qochib ketayotganida 44 yoshli ayol boshqaruvidagi Hyundai Sonata bilan to‘qnashib ketgan. Erkak jiddiy tan jarohatlari bilan og‘ir ahvolda shifoxonaga yetkazilgan.
O‘zbekistonlikka nisbatan Rossiya Ma’muriy huquqbuzarlik to‘g‘risidagi kodeksining tegishli moddasi bilan ma’muriy ish qo‘zg‘atilgan.
Avvalroq Leningraddagi qurilish maydonida 22 yoshli O‘zbekiston fuqarosi balandlikdan qulab, vafot etgani, Rossiyada O‘zbekiston fuqarosi tug‘ilgan kunini nishonlayotgan hamyurtini pichoqlab qo‘ygani to‘g‘risida xabar berilgandi.
Izoh (0)