YouTube’даги Land Cruiser Channel каналида янги Toyota Land Cruiser 300 нинг имкониятлари намойиш этилган бир нечта роликлар пайдо бўлди. Масалан, видеоларнинг бирида йўлтанламас қояли жарликдан сакраса, бошқасида қумли йўлларда ғилдиракларини айлантирган. Яна бир видеода эса йўлтанламас Land Cruiser GR Sport режимида мураккаб шароитли йўлда ҳаракатланган, деб хабар беради Motor.
Роликларнинг барчаси Land Cruiser 300 авлодлар алмашинуви билан йўлтанламаслик хусусиятини йўқотмагани ва у деярли ҳар қандай тўсиқларни босиб ўтишга қодирлигини намойиш этишга қаратилган. Роликларда автомобиль турли вазиятларга тушиб қолган — у қумли, лойли ва чуқур кўлмакларни босиб ўтган.
Роликларнинг дастлабки иккитасида Land Cruiser 300 чуқурлик устидан сакраб ўтган, иккинчисида эса ҳайдовчи автомобилни қумли ҳудудда ҳайдаган.
Land Cruiser GR Sport модификацияси тасвирланган ролик алоҳида эътиборга молик. Ушбу версия — кузовнинг силкишинига қарши курашадиган кинетик барқарорлаштирувчи «подвеска»ли (E-KDSS) электрон тизими билан жиҳозланган ягона гамма ҳисобланади. Бу каби йўлтанламаснинг «подвеска»си 715 миллиметрни ташкил этади, ушбу тизимсиз эса — 630 миллиметр.
Авлодлар алмашинуви билан йўлтанламас алюминийли осма элементлар ўрнатилган кузов ва янги ромга эга бўлган — уларнинг умумий қаттиқлиги 20 фоизга, оғирлиги 200 килограммга ортган. Шу билан бирга, юк кўтариш оғирлиги деярли ўзгармаган.
Аввалроқ Toyota Land Cruiser 300 нинг айрим версиялари учун навбат тўрт йилга чўзилиб кетгани тўғрисида хабар берилганди.
Изоҳ (0)