Қашқадарё вилоятининг Қарши шаҳрида пиёдалар йўлакчасидан ўтаётган аёл ва унинг болалар аравачасидаги фарзандини машина уриб юборди. Бу ҳақда «Дарё»га Қарши шаҳар йўл ҳаракати хавфсизлиги бўлими инспектори Аҳрор Усмонов хабар берди.
Аҳрор Усмоновнинг маълумот беришича, воқеа 2021 йилнинг 10 август куни соат кечки 21:10 да шаҳарнинг Мустақиллик кўчасида содир бўлган.«Қарши шаҳридаги Давлат хизматлари маркази рўпарасида ҳайдовчи Фирдавс Эргашев бошқарувидаги Nexia’да йўлнинг пиёдалар ўтиш жойидан кесиб ўтаётган аёл ва унинг болалар аравачасидаги ҳали бир ёшга ҳам етмаган фарзандини уриб юборган. Натижада бола оғир тан жароҳати олиб, шаҳар шифохонасига ётқизилган. Чақалоқ кўрсатилган тиббий ёрдамга қарамасдан, шифохонада вафот этган», — дейди Аҳрор Усмонов.
Эслатиб ўтамиз, аввалроқ Деҳқонободда Nexia-3 ҳайдовчиси 10 ёшли болани уриб кетгани, бола шифохонада вафот этгани Бухорода содир бўлган ЙТҲда 14 ёшли мактаб ўқувчиси, Самарқандда эса Damas йўл четидаги 9 ёшли болани уриб юбориши оқибатида жабрланувчи шифохонада вафот этгани хабар берилганди.
Мавзуга доир:
Изоҳ (0)