Бугун,

  • USD 11095.31
  • RUB 173.84
  • EUR 10772.44

Ўзбекистонлик яккакурашчи Саидёқуб Қаҳрамонов (8-2) Ўзбекистон вақти билан 22 август тонгида UFC промоушенида дебют қилади. Бу ҳақда спортчи «Дарё» билан бўлган суҳбатда маълум қилди.

Фото: Instagram / Саидёқуб Қаҳрамонов

Фото: Instagram / Саидёқуб Қаҳрамонов

Енгил (-61 кг) вазн тоифасида ҳаракат қилувчи Қаҳрамоновнинг «Дарё»га маълум қилишича, спортчи UFC билан тўртта жангга шартнома имзолаган. У 18 август куни Тошкентдан АҚШга учиб кетади.

Қаҳрамонов 21 август куни (Тошкент вақти билан 22 август тонги) Лас-Вегасда бўлиб ўтадиган UFC on ESPN 29 мусобақасида жанг қилади. Унга гуамлик Тревин Жонс (13-6) рақиб бўлади.

Аввалига Жонс Мана Мартинесга қарши жанг қилиши кўзда тутилганди. Бироқ бу жанг бекор қилинган. Қаҳрамонов жангга бир неча кун қолганда Мартинеснинг ўринини эгаллаши маълум бўлган.

Шу тариқа Қаҳрамонов UFC’да жанг қиладиган тўртинчи ўзбекистонлик бўлади. Айни вақтда Маҳмуд Муродов, Заррух Адашев ва Лилия Шокирова ушбу промоушенда ҳаракат қилмоқда.

Саидёқуб Қаҳрамонов 1995 йилнинг 14 ноябрида Самарқандда туғилган. Шу вақтга қадар спортчи профессионал MMA’да ўнта жанг ўтказиб, уларнинг 8 тасида ғолиб бўлган ва иккита жангда ютқазган. Мағлубиятларидан бирини ҳозирда UFC’да иштирок этаётган Умар Нурмагомедовдан қабул қилиб олган.

Изоҳ
Асосий янгиликлар
Маҳаллий
“Права”ни янгисига алмаштириб берадиган онлайн хизмат фаолиятида носозлик кузатилмоқда
Маҳаллий
Ўзбекистонда газ заправкалар қайта очилиши кутилмоқда
Дунё
Россия Беларусга янги ҳарбий қисмлар жойлаштирди — Украина чегара хизмати