Президент Шавкат Мирзиёев «Янги Ўзбекистон» газетасининг 17 август кунги сонига берган интервьюсида мамлакат мустақиллигининг 30 йиллигига бағишланган асосий байрам тадбири қаерда ўтказилиши ҳақида гапирди.
«Аввало шуни айтиш керакки, ўз юртида озод ва эркин ҳаёт, адолатли жамият барпо этишдек улкан мақсадни ўз олдига қўйган ҳар қандай халқ, ҳар қандай миллат оғир, машаққатли ва мураккаб тараққиёт йўлини босиб ўтади.
Келажакка катта умид ва ишонч билан қараб, ҳамиша сабр-матонат билан яшаган ўзбек халқи ҳам 1991 йил 31 августда муқаддас орзусига эришди – жонажон ватанимиз ўз давлат мустақиллигини қўлга киритди.
Насиб этса, яна саноқли кунлардан кейин ана шу қутлуғ сананинг 30 йиллигини улкан шодиёна сифатида кенг нишонлаймиз.
Бу шонли байрам олдидан мамлакатимизда катта тайёргарлик ишлари амалга оширилмоқда. Жойларда кенг кўламли бунёдкорлик ва ободонлаштириш ишлари шиддат билан олиб борилмоқда. Жумладан, пойтахтимизга туташ 100 гектардан ортиқ улкан ҳудудда «Янги Ўзбекистон» боғи ҳамда бетакрор Мустақиллик мажмуаси жадал суръатлар билан бунёд этилмоқда. Насиб этса, бу йил энг улуғ, энг азиз байрамимизни мана шу янги майдонда ўтказамиз», — деган Шавкат Мирзиёев.
Мавзуга доир:
- Шавкат Мирзиёев «Янги Ўзбекистон» боғидаги қурилиш жараёнини кўздан кечирди
- Шавкат Мирзиёев Қибрайда барпо этилаётган боғ ҳудудига ташриф буюрди. Боғга «Янги Ўзбекистон» номи берилди
- «Янги Ўзбекистон» боғи ва «Истиқлол» мажмуаси қурилиши кимга топширилгани маълум бўлди
- Шавкат Мирзиёев «Янги Ўзбекистон» боғидаги бунёдкорлик ишларини кўздан кечирди
Изоҳ (0)