Президент Шавкат Мирзиёев мутасадди ташкилот раҳбарларига йил якунигача 850 минг тонна суюлтирилган газ ишлаб чиқариб, аҳоли эҳтиёжларини тўлиқ қондириш топшириғини берган. Бу ҳақда давлат раҳбари матбуот котиби Шерзод Асадов 16 август куни ўтказилган брифингда сўз юритди, деб хабар бермоқда «Дарё» мухбири.
«Ҳурматли Президентимиз 9 август куни нефть ва газ ишлаб чиқаришни кенгайтириш ҳамда барқарор етказиб бериш масалалари бўйича йиғилиш ўтказди. Унда бу тармоқдаги кўрсаткичлар танқидий муҳокама қилинди. Хусусан, биринчи ярим йилликда табиий газ ва суюлтирилган газ режага нисбатан кам ишлаб чиқарилган. Оқибатда 917 миллион куб метр табиий газ импорт қилинган.
Шу сабабли давлатимиз раҳбари мутасаддиларга ҳар бир кўрсаткични, берилаётган маблағлар натижадорлигини чуқур таҳлил қилиш вазифасини қўйган эдилар. Йиғилишда шу таҳлиллар асосида навбатдаги чора-тадбирлар муҳокама қилинди.
Президентимиз иккинчи ярим йилликда 32 миллиард куб метр табиий газ балансини таъминлаш, айниқса, куз-қиш мавсумида тизимни барқарор ишлатиш бўйича топшириқлар берди. Йил якунигача 850 минг тонна суюлтирилган газ ишлаб чиқариб, аҳоли эҳтиёжларини тўлиқ қондириш зарурлиги таъкидланди», — деди Асадов.
Изоҳ (0)