Xiaomi компанияси 2021 йилнинг иккинчи чорагида Европа давлатларига смартфон етказиб бериш бўйича илк бор биринчи ўринни эгаллади. Бу ҳақда Strategy Analytics ҳисоботига таяниб, Hi-Tech.Mail.ru хабар берди.
Бозорнинг динамик ривожланиши фонида йил давомида 14,4 фоизга ўсган Xiaomi миқдорий жиҳатдан ҳам сезилари ўсишни амалга оширди. Ҳисобот даври давомида компания 12,7 миллион дона қурилма етказиб берган ва унинг бозордаги улуши 25,3 фоизни ташкил этмоқда.
Европадаги топ брендлар рўйхати:
- Xiaomi (12,7 миллион қурилма: бозордаги улуши — 25,3 фоиз);
- Samsung (12,7 миллион қурилма; 24 фоиз);
- Apple (9,6 миллион қурилма; 19,2 фоиз);
- Оppо (2,8 миллион қурилма; 5,6 фоиз);
- Realme (1,9 миллион қурилма; 3,8 фоиз);
- Қолган компаниялар (11,1 миллион қурилма; 22,2 фоиз).
Эслатиб ўтамиз, 2021 йилнинг дастлабки уч ойи ичида бутун дунё бўйлаб Жанубий Кореянинг Samsung компанияси энг кўп смартфон сотишга муваффақ бўлганди.
Изоҳ (0)