Сассекс герцоги ва герцогинясининг муносабатлари гўё фильмнинг сценарийси сингари бошланган. Аммо аланга олган туйғуларнинг кучлилигидан Меган ва Гаррининг муносабатлари қироллик эртагига айланган.
Фото: Cosmopolitan
Биринчи учрашув
Америкалик актриса Британияда карьера қилишга қарор қилган. Лондонга ташрифи давомида Меган бир қанча танишлар орттира бошлаган ва зодагон Вайолет фон Вестенхол улардан бири бўлган. Айнан ушбу аёл Марклга қироличанинг набираси билан учрашув ташкиллаштиришни таклиф қилган.
Фото: Cosmopolitan
Фильмнинг сценарийсидек кўринишига қарамай, биринчи учрашувнинг ўзидаёқ Меган ва Гарри бу тақдир эканини тушуниб етган. Улар бир-бирига: «Хўш, эртага нима қиламиз?», деган сўзларни айтган ҳолда хайрлашган.
Яширин муносабатлар
Фото: Cosmopolitan
Бошиданоқ жамоатчилик босим ўтказадиган бўлса, америкалик бева аёл ва Британия шаҳзодаси ўртасида муносабатлар авж олмасди, эҳтимол. Аммо бўлажак турмуш ўртоқлар нақд тўрт ой давомида алоқаларини яширишни уддасидан чиққан. Бу вақт давомида улар бир-бирини яхшироқ билишга улгурган, ҳатто Ботсванага биргаликда саёҳатни амалга оширишган.
Бузилган қоидалар
Фото: Cosmopolitan
2017 йилда «Форс-мажор» юлдузининг сурати Vanity Fair журнали муқовасида чоп этилган. Меган журналга берган интервьюсида шаҳзода билан ўрталаридаги туйғулари ҳақида айтиб берган. «Биз — жуфтликмиз. Биз севишганлармиз. Ишончим комилки, ҳикоямизни очиқчасига айтиб берадиган вақт келади. Аммо ҳозир фақат бизнинг вақтимиз эканини ҳамма тушунади, деган умиддаман», — деган Меган.
Фото: Cosmopolitan
Ҳали бармоғида унаштирув узуги бўлмагани учун кўпчилик бу эътирофни аҳмоқлик деб ҳисоблаган. Бундай ростгўйлик қайсидир маънода туйғулари ҳақида гапириш одат бўлмаган қироллик оиласи қоидаларига зид бўлган. Масалан, шаҳзода Чарльз ҳам ўз вақтида қайлиқларининг оғзи бўшлиги сабаб бир нечта муносабатларга нуқта қўйган. Кейт Миддлтон эса шаҳзодага турмушга чиққанидан кейингина журнал муқоваси учун суратга тушган. Аммо Гарри бундан хижолат бўлиб ўтирмаган. Орадан бир ой ўтиб, Букингем қироллигида Елизаветта II набираси ва актрисанинг унаштируви расман эълон қилинган. Меган эса бу вақтга келиб ҳаёт тарзини шаҳзода учун буткул ўзгартирган: ижтимоий тармоқлардаги саҳифасини янгилаган, актрисалик карьерасидан воз кечган.
Тартиблардан устун севги
Фото: Cosmopolitan
Сассекс герцогиняси тўйдан кейин монархия ҳақидаги стереотипларни йўқ қилишга қарор қилган. Қироллик оиласи вакиллари туйғуларини оммага кўрсатиши мумкин эмас, деган фикр Меганга бегона экани аниқ. У ҳамиша расмий чиқишларда турмуш ўртоғининг қўлини маҳкам тутиб юрган. Афтидан, рафиқасининг эътиборини бундай белгиси Гаррига ҳам ёқиб тушган. У ҳам ўз туйғуларини намоён қилишдан уялмаган. Жуфтлик доимий равишда бир-бирига муҳаббат тўла нигоҳлар билан қарайди. Меган Маркл ва шаҳзода Гаррининг севги ҳикояси ҳақиқий эртакни эсга солади: ҳеч қандай мақомсиз оддий қиз шаҳзодага турмушга чиққан ва айни вақтда у билан бахтли ҳаёт кечирмоқда.
Мавзуга доир:
