Ҳаётини санъат билан боғлаганларга бир маротаба қийин бўлса, санъаткор аёлларга икки марта мушкул. Сабаби ҳам санъатни, ҳам оилани бирдек олиб бориш осон иш эмас. Тўғри, хонанда ёки актрисалар орасида иккисига бирдек эътибор бераётганлари ҳам бор. Шунингдек, ижоддаги муваффақиятига қарамай, ўзини ҳали оила қуришга тайёр эмас деб ҳисоблаши ёки орзусидаги инсонни учратмаганлиги сабабли турмушга чиқишни ортга сураётган аёл хонандалар ҳам топилади. «Омон-омон» кўрсатувида ўзбек шоу-бизнесининг турмушга чиқмаган машҳурлари ҳақида маълумот берилди.
Феруза Норматова
Актриса, телебошловчи Феруза Норматова бугунга қадар бир неча фильм, сериал ва телекўрсатувларда иштирок этиб, томошабинлар кўнглидан жой олиб улгурган. Санъатда уни олқишловчи мухлислари бисёр бўлса-да, ҳалигача ҳаётда ёлғиз. Instagram саҳифасига турли хил совғалар, гуллар расмларини жойлаётган бўлса-да, оила қуриш ҳақида ҳеч қандай янгилик йўқ. Эслатиб ўтамиз, Феруза Норматова 1989 йилда туғилган, у ҳозирда 32 ёшда. Яқинда Феруза Instagram орқали мухлисларига ўзидан кичик инсонга турмушга чиқиши мумкинлигини маълум қилган эди.
Муниса Ризаева
Фото: Instagram / @munisarizaeva
Машҳур хонанда доим ҳамманинг диққат-эътиборида. Шу жумладан, кўпинча унинг шахсий ҳаёти муҳокамаларга ҳам сабаб бўлиб келган. Келинликка номзод Муниса ҳақида шу кунгача болалаган миш-мишларнинг бирортаси ҳақиқатга айланмади. Бунга хонанданинг бўлажак куёвга қўяётган талаблари сабабмикан? Буниси номаълум. Санъат йўлида ҳаммаси аъло даражада, лекин шахсий ҳаёти ҳақида ҳам ўйлашнинг айни вақти. Севимли хонанда ҳозирда 35 ёшда.
Каниза
Хонанда Канизанинг ҳам атрофи миш-мишларга тўла. Тўғри, бундан 5 йил аввал у концерт дастурида турмушга чиқаётганини жонли равишда эълон қилган эди. Бироқ орадан вақт ўтиб, нимадир юз бердими, бу тўй унутилди. Ҳозир хонанда ёлғиз ва ижод қилишда давом этмоқда. Дарвоқе, Каниза бу масалада узоқ жим қолиб кетмаса керак. Тез орада унинг шахсий ҳаётига оид муҳим янгилик пайдо бўлса, ажаб эмас. Хонанда 1985 йил Қўқон шаҳрида туғилган, у бу йил 36 ёшни қарши олди.
Ситора Фармонова
Таниқли актриса ва телебошловчи Ситора Фармонова ҳам ўз латофати ва гўзаллиги билан, афсуски, ҳамон оила қурмаганлар сафида. Актриса ҳақида ҳам шов-шувлар бисёр, лекин унинг ўзи бунга эътибор бермайди. У ўзини, ҳаётни ва гўзалликни севади ва буни Instagram саҳифасидаги суратлардан ҳам билиш мумкин. Ситора 37 ёшда ва яқинда у мухлислари билан яхши янгиликларни бўлишиши шубҳасиз.
Манзура
Шоу-бизнес вакиллари орасида энг тажрибалиси ва мусиқий билимга эга профессионал хонанда. Манзура узоқ йиллар ўзини мусиқа ва куйлашга бахшида қилди. Кўплаб хит қўшиқлар яратди. Лекин шахсий ҳаёт масаласида ҳануз тинчлик. Хонанда шу вақтгача турмуш қуришга жазм қилмади, балки бунга арзирли сабаблар бордир. Устига-устак, у яқиндан бошлаб эфирларда чиқишини ҳам тўхтатди ва ҳозир ижтимоий тармоқлардаги дўстлари билан ҳамсуҳбат бўлмоқда. Маълумот учун, Манзура 1978 йил таваллуд топган.
Изоҳ (0)