«Аваза» миллий сайёҳлик зонасида Марказий Осиё халқларининг миллий таомлари фестивали ва тантанали концерт бўлиб ўтди. Бу ҳақда Президент матбуот хизмати хабар қилди.
Президентлар дастлаб миллий таомлар намуналарини кўздан кечирди.
Сўнг Марказий Осиё мамлакатлари санъат усталари иштирокида тантанали концерт дастури бўлди. Фольклор-этнографик ансамбллар ва эстрада хонандаларининг чиқишлари замонавий саҳна безаклари билан уйғунлашиб, ажиб манзара ҳосил қилди. Миллий куй-қўшиқ ва рақслар халқлар бирлиги, маданий яқинлигини яққол намоён этди.
Марказий Осиё давлатлари раҳбарлари маслаҳат учрашувининг навбатдаги йиғилиши доирасида ўтказилган ушбу тадбирлар, шунингдек, етакчи аёллар мулоқоти ва минтақа Иқтисодий форуми Шавкат Мирзиёев ташаббуси билан ташкил топган саммитнинг янги босқичга чиққанидан далолат беради, дейилади хабарда.
Бундан аввал Туркманбошида Марказий Осиё давлатлари президентлари саноат кўргазмасини кўздан кечиргани ҳақида хабар берилганди.
Изоҳ (0)