Замонавий косметология татуажга мурожаат қилмасдан ҳам қошларни чиройли қилиш учун кўплаб вариантларни назарда тутади. Шуни унутмангки, татуаж — бу доимий қош макияжи эмас, балки бутунлай бошқа процедура. Бундай жараённинг камчиликлари ва оқибатлари ёқимсиз бўлиши мумкин.

Фото: Getty Images

Қош татуажининг камчиликлари:

У эскиради

Ҳозирда табиий гўзаллик тенденцияда, ҳатто маҳорат билан қилинган қош татуажи ҳам табиий кўринмайди. Бу процедуранинг ижобий ва салбий томонлари ҳатто моделлар ва киноюлдузлар ўртасида баҳсларга ҳам сабаб бўляпти. Голливуд юлдузларининг қошларига назар солинг — уларда татуаж кўрганмисиз? Йўқ! Нима учун? Чунки бу нарса урфдан қолиб бўлган. Татуажнинг барча вариантларини синаб кўрганлар аста-секин ундан воз кечган.

Татуажни уйда кетказиб бўлмайди

Қошларни татуаж қилиш узоқ вақтга (бир неча ойдан бир неча йилгача) мўлжалланган. Агар у муваффақиятсиз бажарилган бўлса (бу тез тез содир бўлади), уйга келиб, уни ювиб ташлолмайсиз. Ҳеч нарса билан. Гўзаллик салонларидаги визажистлар кўпинча татуаж қилинган қошлар ўрнига янгиларини яратишга ҳаракат қилишлари керак бўлган вазиятга дуч келишади. Бу иш жуда машаққатли ва ҳеч ким натижага кафолат бермайди. Лекин қошлар шаклини юз шаклига қараб танлашнинг ишончли усуллари мавжуд ва уларни бемалол синаб кўриш мумкин.

Татуаж фақат лазер ёрдамида олиб ташланади

Муваффақиятсиз татуаждан қутулишнинг ягона усули — лазер ёрдамида олиб ташлаш, аммо процедура оғриқли ва қиммат. Энг ёқимсиз нарса эса чизилган қошлардан бутунлай қутулиш учун одатда бир-икки ой давом этадиган 4-5 сеанс олиш керак бўлади. Муваффақиятсиз татуаж оқибатларининг тузатилиши узоқ вақт ва қимматга тушиши мумкин.

Фото: Getty Images

Татуаж қилинган қошлар ёшга ёш қўшади

Ҳамма визажистлар биладики, қошларни татуажлашнинг асосий камчиликларидан бири — ёшни каттароқ кўрсатади. Лекин негадир қизлар бунга ишонмайди. Афсуски, бу ҳақиқат: татуаж қилинган қошлар сунъий кўринади, ҳатто бўёқлар муваффақиятли танланганда ҳам, улар инсонни 5 йилга қаритади.

Хато қилиш эҳтимоли жуда катта

Салонларда қошларга татуаж қилишнинг бир нечта турлари таклиф этилади: ҳар бирини битталаб чизиш, «3Д татуаж» деб ҳам аталади, мумли татуаж, у ҳам ҳақиқий қошга ўхшатиб бўялади. Назарий жиҳатдан, ҳаммаси жуда жозибали кўринади. Аммо қошни татуаж қилишнинг ҳар бир техникаси ўзининг ижобий ва салбий томонларига эга. Улар фарқ қилади ва кўпинча салбий бўлади — аслида визажистлар кўпинча керакли натижага эриша олмайди.

Энг кенг тарқалган хато ва муаммолар қуйидагилар:

  • Нотўғри танланган бўёқ туфайли жуда қуюқ пигмент. Бу энг кенг тарқалган хато. Бундай ҳолда визажистлар одатда қошларни лазер билан озгина очартиришни таклиф қилади ва бу вақт талаб этади, чунки битта процедура етарли бўлмайди.
  • Асимметрия. Агар бир қош бошқасидан бир оз юқорироқ ёки бироз ингичка бўлса, бундан ҳам ёқимсиз ҳолат бўлмайди. Қош татуажининг камчиликларидан бири — сизда амалга оширилган татуаж дугонангизникидек чиқишига кафолат йўқ, ҳатто ишни битта визажист бажарган бўлса ҳам.
  • Сунъий кўриниш. Қошлар фломастер билан чизилганга ўхшайди. Бундай татуажни одатда ўзгартириш деярли бефойда, бу оғриқли ва қиммат эканлигини айтмаса ҳам бўлади.