Хушбўй ёз: жазирама мавсум учун 5 хил янги ифор

Ёзнинг жазирама ва қуёшли кайфияти учун махсус яратилган янги атирлар. Улардан гуллар, ёз ва муҳаббат ифори келади.

Tender Love, Betty Barclay

Цитрус, бергамот ва мандариннинг нозик хушбўй ҳиди эътиборни тортмасдан қолмайди.

Betty Barclay Tender Blossom таркибидаги ферзиянинг классик ҳидига ясмин ва анбарнинг тетиклаштирувчи ифорининг қўшилиши янада ёқимлилик бахш этади. Мазкур атир хушбўй гуллар ҳидини ўзгартиришни хоҳламайдиганларга, аммо жазирама кунда ҳам бемалол фойдаланишни истайдиганларга мос келади.

DaliA More, Salvador Dali

Dalia More’нинг қуёшли ифори — бу машҳур бренд парфюмининг аёллар учун енгил ва ихчам версиясидир. Олма ва нокнинг ширин ифори бергамот ва амбарнинг цитрусли ноталари билан тўлдирилган: енгил мевали-гулли ҳидни севувчилар учун айни муддао.

Young at Heart, Floraiku

Young at Heart — бу сизнинг «биринчи марта» бўлган хотираларингизни ёдга солади. Ушбу мева-гулли ҳид сархил тарвуз сувини, османтуснинг қуёшли ва ясмин оҳангларини ўзида бирлаштирган. Ёз мавсуми учун идеал бўлган бу атир ширин ва исёнкор самимийлик ҳамда поклик билан тўлдирилган.

Santal 33, Le labo

Классик Marlboro рекламасини эслайсизми? Тунги очиқ осмон остида чексиз текисликда ёниб турган олов ёнидаги чавандоз ва от. Бу ёввойи Ғарб руҳи, эркаклик ва озодликни рамзий маъносини ифодалайди. Эркаклар рекламадаги ковбойга тақлид қилишар, аёллар эса уни деб ақлдан озган. Ушбу тасвир Santal 33’нинг асосига айланди, уни Америка афсонасининг тимсоли деб аташ мумкин. Атирдаги кардамон, ирис, бинафша ва амброксан ноталарига тери, кедр ва сандал дарахтининг ёғоч ҳиди қўшилиб, ифорларни янада уйғунлаштирган.

Cerruti 1881, Cerruti

Ажабланарли даражада енгил, нафис хушбўй ҳид, гўзаллик ва табиийликнинг тимсоли. Атир табиий матолар ишлаб чиқаришда ишлатиладиган зиғир мойи асосида Cerruti томонидан ишлаб чиқилган. Асосий ифорлар бергамот, бинафша, мимоза, фрезия бўлиб, уларни геран, кориандр, сандал дарахти, мушк, амбар ҳидлари тўлдиради.